മെയ് 19, 20 തീയതികളില്‍ ഖത്തറില്‍ നടത്താന്‍ നിശ്ചയിച്ചിരുന്ന കെ.വണ്‍ ഫിയസ്റ്റ മാറ്റിവെച്ചു, പുതുക്കിയ തിയ്യതി പിന്നീട് അറിയിക്കും
അമാനുല്ല വടക്കാങ്ങര
ദോഹ: പോപ്പ് സംഗീതാസ്വാദകര്‍ ആകംക്ഷയോടെ കാത്തിരുന്ന കെ.വണ്‍ ഫിയസ്റ്റ ഖത്തര്‍ 2023ന്റെ കച്ചേരി മാറ്റിവെച്ചതായി സംഘാടകര്‍ അറിയിച്ചു.
മെയ് 19, 20 തീയതികളില്‍ ഖത്തറില്‍ നടത്താന്‍ നിശ്ചയിച്ചിരുന്ന പരിപാടിയാണ് മാറ്റിവെച്ചത്. ഈ വര്‍ഷത്തിന്റെ നാലാം പാദത്തില്‍ കച്ചേരി പുനഃസംഘടിപ്പിക്കാന്‍ പദ്ധതിയിട്ടിട്ടുണ്ടെന്നും ഇവന്റിന്റെ പുതിയ തീയതി അതിന്റെ ഔദ്യോഗിക ഇന്‍സ്റ്റാഗ്രാം അക്കൗണ്ടില്‍ പ്രഖ്യാപിക്കുമെന്നും സംഘാടകര്‍ അറിയിച്ചു.
