Uncategorized
പെരുമ്പാവൂര്‍ അസോസിയേഷന്‍ ഖത്തറിന്റെ പെരുവോണം പ്രകാശനം ചെയ്തു
ദോഹ. ഓണാഘോഷത്തിന് അനുയോജ്യമായ പേരുകള്‍ നിര്‍ദ്ദേശിക്കുന്ന സൗഹൃദമത്സരത്തില്‍ റാണി സുനില്‍ നിര്‍ദേശിച്ച പെരുവോണം എന്ന പേര് പെരുമ്പാവൂര്‍ അസോസിയേഷന്‍ ഖത്തര്‍ ഔദ്യോഗികമായി പ്രഖ്യാപിച്ചു. ഇന്ത്യന്‍ കള്‍ച്ചറല്‍ സെന്ററില്‍ ചേര്‍ന്ന യോഗത്തില്‍ ഐ സി സി പ്രസിഡന്റ് എ.പി മണികണ്ഠന്‍, ഐ സി ബി എഫ് ജെനറല്‍ സെക്രട്ടറി ബോബന്‍ എന്നിവര്‍ ചേര്‍ന്ന് പെരുമ്പാവൂര്‍ അസോസിയേഷന്റെ ഈ വര്‍ഷത്തെ ഓണാഘോഷത്തിനായി പ്രസ്തുത പേര് ഔദ്യോഗികമായി പ്രകാശനം ചെയ്തു.
ചടങ്ങില്‍ ഓണാഘോഷകമ്മറ്റി കണ്‍വീനര്‍മാരായ ഷിജു കുര്യാക്കോസ്,സുനില്‍ പെരുമ്പാവൂര്‍ , പെരുമ്പാവൂര്‍ അസോസിയേഷന്‍ ഖത്തര്‍ വൈസ് പ്രസിഡണ്ട് സനന്ദ്, മുന്‍പ്രസിഡന്റും എക്‌സിക്യൂട്ടീവ് അംഗവുമായ സുനില്‍ മാധവന്‍ എന്നിവര്‍ പങ്കെടുത്തു.
