ഹയ്യ പ്ലാറ്റ്ഫോം വഴി സന്ദര്ശക പ്രവേശനം, പ്രീമിയം റെസിഡന്സി അപേക്ഷകള് എന്നിവക്ക് സ്ഥിരം കമ്മിറ്റി രൂപീകരിക്കാന് ഖത്തര് മന്ത്രിസഭ അംഗീകാരം
ഹയ്യ പ്ലാറ്റ്ഫോം വഴി സന്ദര്ശക പ്രവേശനം, പ്രീമിയം റെസിഡന്സി അപേക്ഷകള് എന്നിവക്ക് സ്ഥിരം കമ്മിറ്റി രൂപീകരിക്കാന് ഖത്തര് മന്ത്രിസഭ അംഗീകാരം
ആഭ്യന്തര മന്ത്രാലയത്തിന് കീഴിലാണ് പ്രീമിയം റെസിഡന്സി, സന്ദര്ശക പ്രവേശനം എന്നിവക്കുള്ള അപേക്ഷകള് കൈകാര്യം ചെയ്യുന്നതിനുള്ള സ്ഥിരം സമിതി സ്ഥാപിക്കുക.
2026 മെയ് 7 ന് ഔദ്യോഗിക ഗസറ്റില് പ്രസിദ്ധീകരിച്ച ഒരു തീരുമാനമനുസരിച്ച്, ഹയ്യ ഡിജിറ്റല് പ്ലാറ്റ്ഫോം വഴി സന്ദര്ശക പ്രവേശനവും പ്രീമിയം റെസിഡന്സി അപേക്ഷകളുമായി ബന്ധപ്പെട്ട നടപടിക്രമങ്ങള് ബന്ധപ്പെട്ട അധികാരികളുമായി ഏകോപിപ്പിച്ച് കമ്മിറ്റി മേല്നോട്ടം വഹിക്കും.
പ്രവേശന നടപടിക്രമങ്ങള് സുഗമമാക്കുക, സന്ദര്ശക അനുഭവം മെച്ചപ്പെടുത്തുക, പ്ലാറ്റ്ഫോം വഴി അപേക്ഷാ സംവിധാനങ്ങള് ഏകീകരിക്കുക എന്നിവയാണ് കമ്മിറ്റി ലക്ഷ്യമിടുന്നത്.