Breaking News
ഹോര്മുസ് കടലിടുക്ക് അടച്ചുപൂട്ടുകയോ നിയന്ത്രിക്കുകയോ ചെയ്യുന്നത് ആഗോള ഊര്ജ്ജ സുരക്ഷ, പ്രാദേശിക വിതരണ ശൃംഖലകള്, ഭക്ഷ്യസുരക്ഷ എന്നിവയ്ക്ക് ഗുരുതരമായ പ്രത്യാഘാതങ്ങള് സൃഷ്ടിക്കും
ഹോര്മുസ് കടലിടുക്ക് അടച്ചുപൂട്ടുകയോ നിയന്ത്രിക്കുകയോ ചെയ്യുന്നത് ആഗോള ഊര്ജ്ജ സുരക്ഷ, പ്രാദേശിക വിതരണ ശൃംഖലകള്, ഭക്ഷ്യസുരക്ഷ എന്നിവയ്ക്ക് ഗുരുതരമായ പ്രത്യാഘാതങ്ങള് സൃഷ്ടിക്കുമെന്ന് ഖത്തര്, യുഎഇ, സൗദി അറേബ്യ എന്നീ രാജ്യങ്ങള് മുന്നറിയിപ്പ് നല്കി. ലോകത്തിലെ ഏറ്റവും പ്രധാനപ്പെട്ട വ്യാപാര ഇടനാഴികളില് ഒന്നിലൂടെ അന്താരാഷ്ട്ര നാവിഗേഷന് സ്വാതന്ത്ര്യം സംരക്ഷിക്കേണ്ടതിന്റെ തന്ത്രപരമായ പ്രാധാന്യം വീണ്ടും ഊന്നിപ്പറഞ്ഞു.
ഐക്യരാഷ്ട്രസഭയില് സംസാരിച്ച ഖത്തറിന്റെ ഐക്യരാഷ്ട്രസഭയിലെ സ്ഥിരം പ്രതിനിധി ശൈഖ ആലിയ അഹമ്മദ് ബിന് സെയ്ഫ് അല്-താനി, യുഎഇ സ്ഥിരം പ്രതിനിധി അംബാസഡര് മുഹമ്മദ് അബുഷഹാബ്, സൗദി അറേബ്യയുടെ സ്ഥിരം പ്രതിനിധി അംബാസഡര് ഡോ. അബ്ദുല് അസീസ് അല്-വാസല് എന്നിവരാണ് ഇക്കാര്യം അടിവരയിട്ടത്.
