കെ-പോപ്പ് കച്ചേരിയുടെ ടിക്കറ്റ് ഏപ്രില്‍ 6 വൈകുന്നേരം 4 മണി മുതല്‍
അമാനുല്ല വടക്കാങ്ങര
ദോഹ: സംഗീതാസ്വാദകര്‍ ഏറെ പ്രതീക്ഷയോടെ കാത്തിരിക്കുന്ന കെ-പോപ്പ് കച്ചേരിയുടെ ടിക്കറ്റുകള്‍ ഏപ്രില്‍ 6 വൈകുന്നേരം 4 മണി മുതല്‍ ലഭ്യമാകുമെന്ന് സംഘാടകര്‍ അറിയിച്ചു. 2023 മെയ് 19-20 തീയതികളില്‍ ലുസൈല്‍ മള്‍ട്ടിപര്‍പ്പസ് ഹാളിലാണ് ഇവന്റ് നടക്കുക
എകോണ്‍, എവര്‍ഗ്‌ളോ , പി.വണ്‍ ഹാര്‍മണി എന്നിവര്‍ അവതരിപ്പിക്കുന്ന ദ്വിദിന കെവണ്‍ ഫെസ്റ്റ 2023 കച്ചേരിയുടെ ടിക്കറ്റുകള്‍ക്ക് 350
റിയാല്‍ (വെള്ളി),750 റിയാല്‍(സ്വര്‍ണം), 900 റിയാല്‍(പ്ലാറ്റിനം സ്റ്റാന്‍ഡിംഗ്) എന്നിങ്ങനെയാണ് വില.
ഇതുകൂടാതെ, 1,500 റിയാലിന് മൂന്ന് തരം വിഐപി ടിക്കറ്റുകള്‍ ലഭ്യമാണ്, ഇത് കലാകാരന്മാരെ കാണാനും അഭിവാദ്യം ചെയ്യാനും നിങ്ങളെ അനുവദിക്കുന്നു. വിഐപി ബോക്‌സ് പാക്കേജ് ബുക്കിംഗിന് മാത്രമേ ലഭ്യമാകൂ, ഒരു ബോക്‌സിനുള്ളിലെ വ്യക്തിഗത സീറ്റുകള്‍ക്കല്ല. വ്യക്തിഗത സീറ്റുകള്‍ക്കായി വിഐപി ലോഞ്ച് ലഭ്യമാകും.
വിര്‍ജിന്‍, ക്യു-ടിക്കറ്റുകള്‍ വഴി ഒറ്റ ദിവസത്തെ ഇവന്റിനുള്ള ടിക്കറ്റുകള്‍ ലഭ്യമാകും. ഇരിപ്പിടങ്ങളും നില്‍ക്കുന്ന വിഭാഗങ്ങളും ഉണ്ടായിരിക്കും.
കലാകാരന്‍മാരുടെ അവസാന ലൈനപ്പും പ്രകടന തീയതിയും ഇന്ന് പഖ്യാപിക്കുമെന്ന് കെ.വണ്‍ ഫിയസ്റ്റ സംഘാടകര്‍ കൂട്ടിച്ചേര്‍ത്തു
