ദോഹ. ലോകത്തിന്റെ പല ഭാഗത്തും കോവിഡിന്റെ രണ്ടാം വരവും മൂന്നാം വരവുമൊക്കെ ഗുരുതരമായ ഭീഷണി ഉയര്‍ത്തുന്നുണ്ടെങ്കിലും ഖത്തറില്‍ ഇപ്പോള്‍ ആശങ്കപ്പെടേണ്ട അവസ്ഥയില്ലെന്നും സ്ഥിതി നിയന്ത്രണവിധേമാണെന്നും കോവിഡ് കൈകാര്യം ചെയ്യുന്നതിനുള്ള നാഷംണല്‍ ഹെല്‍ത്ത് സ്ട്രാറ്റജിക് ഗ്രൂപ്പ് അധ്യക്ഷന്‍ ഡോ.അബ്ദുല്‍ ലത്തീഫ് അല്‍ ഖാല്‍ അഭിപ്രായപ്പെട്ടു. കോവിഡ് പ്രതിസന്ധിയും വാക്‌സിന്‍ വിതരണവും സംബന്ധിച്ച പൊതുജനാരോഗ്യ മന്ത്രാലയത്തിന്റെ വാര്‍ത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. ലോകത്തിന്റെ വിവിധ ഭാഗങ്ങളില്‍ നിന്നുള്ള സ്ഥിതിഗതികള്‍ ഖത്തര്‍ സൂക്ഷ്മമായി നിരീക്ഷിച്ചുവരികയാണെന്നും സാഹചര്യങ്ങള്‍ക്കനുസരിച്ച തീരുമാനമെടുക്കുമെന്നും അദ്ദേഹം പറഞ്ഞു. നിലവില്‍ റിസ്‌ക് കൂടിയ രാജ്യങ്ങളില്‍ നിന്നുള്ളവര്‍ക്ക് നിശ്ചയിച്ച വ്യവസ്ഥകളോടെ യു,കെ.യില്‍ നിന്നുള്ളവര്‍ക്കും ഖത്തറിലേക്ക് വരാം. ഇപ്പോഴത്തെ അവസ്ഥയില്‍ ഖത്തറില്‍ വിമാനതാവളം അടച്ചേക്കില്ല എന്നാണ് അറിയുന്നത്.