ഡോ. അമാനുല്ല വടക്കാങ്ങര

ദോഹ. ഖത്തര്‍ പ്‌ളാനിംഗ് ആന്റ്് സ്റ്റാറ്റിസ്റ്റിക്‌സ് അതോരിറ്റി നടത്തുന്ന സെന്‍സസില്‍ എല്ലാവരും പങ്കെടുക്കുകയും നിര്‍ദ്ദിഷ്ട സമയത്ത് തന്നെ കൃത്യമായ വിവരങ്ങള്‍ നല്‍കി സഹകരിക്കുകയും വേണമെന്ന്
ഖത്തര്‍ പ്രധാനമന്ത്രിയും ആഭ്യന്തരമന്ത്രിയുമായ ശൈഖ് ഖാലിദ് ബിന്‍ ഖലീഫ ബിന്‍ അബ്ദുല്‍ അസീസ് അല്‍ ഥാനി ആവശ്യപ്പെട്ടു.

ഖത്തര്‍ സെന്‍സസ് 2020′ ല്‍ പങ്കെടുത്തു വിവരം ട്വിറ്ററിലൂടെ പുറത്തുവിട്ടാണ് പ്രധാന മന്ത്രി എല്ലാവരുടേയും സഹകരണം തേടിയത്. സെന്‍സസില്‍ പങ്കെടുക്കുന്നത് വളരെ എളുപ്പമാണ്. ‘ഏതാനും മിനിറ്റുകള്‍ക്കുള്ളില്‍ ഞാന്‍ ഖത്തര്‍ 2020 സെന്‍സസ് ഫോം പൂര്‍ത്തിയാക്കിയെന്നാണ് അദ്ദേഹം ട്വിറ്ററില്‍ കുറിച്ചത് .

‘ഈ സ്ഥിതിവിവരക്കണക്ക് പ്രക്രിയയില്‍ പങ്കെടുക്കുക, കാരണം ഇത് നമ്മുടെ സമൂഹത്തിലെ എല്ലാ പ്രദേശങ്ങളെയും വിഭാഗങ്ങളെയും ന്യായമായും ഫലപ്രദമായും ഉള്‍ക്കൊള്ളുന്നുവെന്ന് ഉറപ്പാക്കുന്ന തരത്തില്‍ വികസന പരിപാടികള്‍ ആസൂത്രണം ചെയ്യുന്നതിലും നിര്‍മ്മിക്കുന്നതിലും അത്യാവശ്യ ഘടകമാണ്. അതുപോലെ തന്നെ സെന്‍സസ് ഗവേഷകര്‍ക്കും വളരെ പ്രയോജനകരമാണ്.

പ്ലാനിംഗ് ആന്‍ഡ് സ്റ്റാറ്റിസ്റ്റിക്‌സ് അതോറിറ്റി ആരംഭിച്ച ഖത്തര്‍ സെന്‍സസ് 2020, ഖത്തറിലെ ജനസംഖ്യ, പാര്‍പ്പിടം, സ്ഥാപനങ്ങളുടെ ഡാറ്റ എന്നിവയുടെ കേന്ദ്ര രജിസ്ട്രി സ്ഥാപിക്കുകയെന്ന ലക്ഷ്യത്തോടെയാണ്.

ജനുവരി 7 വരെ യാണ് സെന്‍സസില്‍ വിവരങ്ങള്‍ നല്‍കുന്നതിനുള്ള സമയം.