ദോഹ. ഡോ. അമാനുല്ല വടക്കാങ്ങരയുടെ മോട്ടിവേഷണല്‍ ഗ്രന്ഥമായ വിജയമന്ത്രങ്ങള്‍ പ്രചോദനാത്മകമായ ഗ്രന്ഥമാണെന്നും എല്ലാവര്‍ക്കും പ്രയോജനം ചെയ്യുമെന്നും അസീം ടെക്‌നോളജി ഫൗണ്ടറും സി. ഇ.ഒ. യുമായ ഷഫീഖ് കബീര്‍ അഭിപ്രായപ്പെട്ടു.

മീഡിയ പ്‌ളസ് മാര്‍ക്കറ്റിംഗ് കോര്‍ഡിനേറ്റര്‍ മുഹമ്മദ് റഫീഖില്‍ നിന്നും പുസ്തകം ഏറ്റുവാങ്ങിയ ശേഷം സംസാരിക്കുകയായിരുന്നു അദ്ദേഹം.

മലയാളത്തിലെ ഏറ്റവും ശ്രദ്ധേയമായ പോഡ്കാസ്റ്റില്‍ സ്ഥാനം പിടിച്ച വിജയമന്ത്രങ്ങള്‍ മുടങ്ങാതെ കേള്‍ക്കാന്‍ ശ്രദ്ധിക്കാറുണ്ട്. ജോലിയിലും ജീവിതത്തിലുമൊക്കെ വലിയ ഊര്‍ജമാണ് വിജയമന്ത്രങ്ങള്‍ സമ്മാനിക്കുന്നതെന്ന് അദ്ദേഹം പറഞ്ഞു.