Uncategorized

പത്തുലക്ഷം വൃക്ഷത്തൈകള്‍ നട്ടുപിടിപ്പിക്കല്‍ കാമ്പയിന് പിന്തുണയുമായി ശൈഖ മയാസ

ഡോ. അമാനുല്ല വടക്കാങ്ങര

ദോഹ. പരിസ്ഥിതി സംരക്ഷണവും ആരോഗ്യകരമായ ജീവിത ചുറ്റുപാടും ഉറപ്പുവരുത്തുന്നതിനായി ഖത്തറില്‍ പത്തുലക്ഷം വൃക്ഷത്തൈകള്‍ നട്ടുപിടിപ്പിക്കാനുള്ള മുനിസിപ്പല്‍ പരിസ്ഥിതി മന്ത്രാലയത്തിന്റെ കാമ്പയിന് പിന്തുണയുമായി ഖത്തര്‍ മ്യൂസിയംസ് അധ്യക്ഷ ശൈഖ മയാസ ബിന്‍ത് ഹമദ് അല്‍ ഥാനി രംഗത്ത്.

ഖത്തറിലെ റോഡുകളും പൊതു സ്ഥലങ്ങളും സൗന്ദര്യവല്‍ക്കരിക്കുന്ന സൂപ്പര്‍വൈസറി കമ്മറ്റിയുടെ 10 ലക്ഷം മരം നടല്‍ പദ്ധതിയില്‍ പങ്കാളിയാകുന്നതില്‍ സന്തോഷമുണ്ടെന്ന് ശൈഖ മയാസ പറഞ്ഞു. ഖത്തര്‍ മ്യൂസിയംസിന്റെ എല്ലാ പിന്തുണയും ഈ പദ്ധതിക്കുണ്ടാകും.

സമൂഹത്തിന്റെ വിവിധ തലങ്ങളിലുള്ളവരെ ഉള്‍പ്പെടുത്തി ഒരു വര്‍ഷം നീണ്ടുനില്‍ക്കുന്ന വിപുലമായ പദ്ധതിയാണ് മന്ത്രാലയം നടപ്പാക്കുന്നത്. മൂന്ന് ലക്ഷം മരങ്ങള്‍ ഇതിനകം തന്നെ നട്ടു കഴിഞ്ഞു. ഖത്തറിലെ വിവിധ രാജ്യങ്ങളുടെ എംബസികളും സന്നദ്ധ കൂട്ടായ്്മകളും കാമ്പയിനിന്റെ ഭാഗമാവാന്‍ മുന്നോട്ടുവന്നതോടെ സജീവമായാണ് പദ്ധതി പുരോഗമിക്കുന്നത്.

മരം ഒരു വരം എന്ന സുപ്രധാനമായ ആശയത്തിന് അടിവരയിടുന്നതോടൊപ്പം പ്രകൃതിയുടെ പച്ചപ്പ് നിലനിര്‍ത്തി പാരിസ്ഥിതിക സന്തുലിതാവസ്ഥ ഉറപ്പുവരുത്തുകയും നഗരത്തിന്റെ സൗന്ദര്യവല്‍ക്കരണത്തിന് സഹായകമാവുകയും ചെയ്യുന്ന രീതിയിലാണ് കാമ്പയിന്‍ സംവിധാനിച്ചിരിക്കുന്നത്.

ആഗോള താപനവും കാലാവസ്ഥ മാറ്റവുമൊക്കെ ഗുരുതരമായ പ്രത്യാഘാതകങ്ങള്‍ സൃഷ്ടിക്കുന്ന സമകാലിക ലോകത്ത് ഏറ്റവും ശ്രദ്ധേയമായ ഒരു ദൗത്യമാണ് മുനിസിപ്പല്‍ പരിസ്ഥിതി മന്ത്രാലയം ഏറ്റെടുത്തിരിക്കുന്നത്.

ഖത്തറിന്റെ വിവിധ ഭാഗങ്ങളില്‍ ഒരു ദശലക്ഷം വൃക്ഷത്തൈകള്‍ നട്ടുപിടിപ്പിക്കാന്‍ ശ്രമിക്കുന്നതിന്റെ ഭാഗമായി മുനിസിപ്പാലിറ്റി പരിസ്ഥിതി മന്ത്രാലയത്തിന്റെ പൊതു പാര്‍ക്കുകള്‍ വിവിധ ഭാഗങ്ങളില്‍ സംഘടിപ്പിച്ച തൈ നടല്‍ കാമ്പയിനില്‍ ജീവിതത്തിന്റെ വിവിധ തുറകളിലുള്ള നിരവധിപേര്‍ പങ്കെടുക്കുന്നത് സംഘാടകര്‍ക്ക് വലിയ ആവേശമാണ് നല്‍കുന്നത്.

ഖത്തറിലെ മുഴുവന്‍ ജനങ്ങളുടേയും സഹകരണവും പങ്കാളിത്തവും ഉറപ്പുവരുത്തിയാണ് ഈ കാമ്പയിന്‍ മന്ത്രാലയം ആവിഷ്‌ക്കരിച്ചിരിക്കുന്നത്.

Related Articles

82 Comments

  1. When we suspect that our wife or husband has betrayed the marriage, but there is no direct evidence, or we want to worry about the safety of our children, monitoring their mobile phones is also a good solution, usually allowing you to obtain more important information.

Leave a Reply

Your email address will not be published. Required fields are marked *

Back to top button
error: Content is protected !!