കഹ്റാമയും സുപ്രീം കമ്മറ്റി ഫോര്‍ ഡെലിവറി ആന്റ് ലെഗസിയും ലോകകപ്പ് ആരാധകര്‍ക്കായി ‘സുസ്ഥിര മേഖല’ സംരംഭം ആരംഭിച്ചു
അമാനുല്ല വടക്കാങ്ങര
ദോഹ: കഹ്റാമയും സുപ്രീം കമ്മറ്റി ഫോര്‍ ഡെലിവറി ആന്റ് ലെഗസിയും ലോകകപ്പ് ആരാധകര്‍ക്കായി ‘സുസ്ഥിര മേഖല’ സംരംഭം ആരംഭിച്ചു. ഫിഫ ലോകകപ്പ് ആരാധകര്‍ക്ക് പരിസ്ഥിതി സുസ്ഥിരത പരിചയപ്പെടുത്തുന്നതിനാണ് ഖത്തര്‍ ജനറല്‍ ഇലക്ട്രിസിറ്റി ആന്‍ഡ് വാട്ടര്‍ കോര്‍പ്പറേഷന്‍ (കഹ്റാമ), സുപ്രീം കമ്മിറ്റി ഫോര്‍ ഡെലിവറി ആന്‍ഡ് ലെഗസിയുമായി (എസ്സി) സഹകരിച്ച് കഹ്റാമ അവെയര്‍നസ് പാര്‍ക്കില്‍ ‘സുസ്ഥിര മേഖല’ സംരംഭം ആരംഭിച്ചത്.
കഴിഞ്ഞ പത്ത് വര്‍ഷമായി സുസ്ഥിരതയിലും കാലാവസ്ഥാ വ്യതിയാനത്തിനെതിരെയും കഹ്റാമയും എസ്സിയും നയിക്കുന്ന വിവിധ പദ്ധതികള്‍, സംരംഭങ്ങള്‍, പ്രവര്‍ത്തനങ്ങള്‍ എന്നിവയെക്കുറിച്ച് ആരാധകരെ അറിയിക്കാന്‍ ‘സുസ്ഥിര മേഖല’ സംരംഭം സഹായിക്കും.
ഖത്തറിലെ വൈദ്യുതിയുടെയും വെള്ളത്തിന്റെയും ചരിത്രം പറയുന്ന ചുമര്‍ചിത്രവും പാര്‍ക്കിന്റെ അകത്തെ കെട്ടിടത്തില്‍ കാര്‍ബണ്‍ സോണിന്റെ സമാരംഭവും കാലാവസ്ഥാ വ്യതിയാനവും കാര്‍ബണ്‍ ഉദ്വമനം ജീവന്റെ അപകടവും പ്രദര്‍ശിപ്പിക്കുന്ന താഴികക്കുടവും ഏറെ ശ്രദ്ധേയമാണ് . സന്ദര്‍ശകരെ അവരുടെ കാര്‍ബണ്‍ കാല്‍പ്പാട് എങ്ങനെ കണക്കാക്കാമെന്നും ആരോഗ്യകരവും സന്തുലിതവും സുസ്ഥിരവുമായ ജീവിതശൈലിയുടെ ഘടകങ്ങളെ സംവേദനാത്മകവും വിനോദപരവും വിദ്യാഭ്യാസപരവുമായ രീതിയില്‍ വിശദീകരിക്കുന്നു.
