Breaking NewsUncategorized
മികച്ച ഏഷ്യന്‍ പുരുഷ അത് ലറ്റായി ഖത്തറിന്റെ മുതാസ് ബര്‍ഷിം വീണ്ടും
ദോഹ. മികച്ച ഏഷ്യന്‍ പുരുഷ അത്ലറ്റായി ഖത്തറിന്റെ മുതാസ് ബര്‍ഷിം വീണ്ടും തെരഞ്ഞെടുക്കപ്പെട്ടു.
ബാങ്കോക്കില്‍ നടന്ന ഏഷ്യന്‍ അത്ലറ്റിക്സ് അസോസിയേഷന്റെ 50-ാം വാര്‍ഷികത്തിലാണ് ഖത്തറിന്റെ മുതാസ് ബര്‍ഷിം രണ്ടാം തവണയും ‘മികച്ച ഏഷ്യന്‍ പുരുഷ അത്ലറ്റ്’ ആയി തിരഞ്ഞെടുക്കപ്പെട്ടത്. മുതാസിന്റെ പിതാവ് ഇസ ബര്‍ഷിം അദ്ദേഹത്തെ പ്രതിനിധീകരിച്ച് അവാര്‍ഡ് ഏറ്റുവാങ്ങി.
ഹൈജമ്പില്‍ മത്സരിക്കുന്ന ഖത്തറി ട്രാക്ക് ആന്‍ഡ് ഫീല്‍ഡ് അത്ലറ്റാണ് മുതാസ് എസ്സ ബര്‍ഷിം, നിലവിലെ ഒളിമ്പിക് ചാമ്പ്യനാണ്. 2.43 എന്ന വ്യക്തിഗത മികവോടെ നിലവിലെ ലോക ചാമ്പ്യനും എക്കാലത്തെയും ഉയര്‍ന്ന രണ്ടാമത്തെ ജമ്പറും കൂടിയാണ് അദ്ദേഹം.
