മധ്യസ്ഥ ശ്രമം വിജയം, നാലു ദിവസം വെടിനിര്‍ത്തല്‍
ദോഹ: അറബ് റിപ്പബ്ലിക് ഓഫ് ഈജിപ്ത് , യുണൈറ്റഡ് സ്റ്റേറ്റ്സ് ഓഫ് അമേരിക്ക എന്നിവയുമായി സഹകരിച്ച് ഖത്തര്‍ നടത്തിയ സംയുക്ത മധ്യസ്ഥ ശ്രമങ്ങള്‍ വിജയിച്ചു. ഇസ്രയേലും ഇസ്ലാമിക് റെസിസ്റ്റന്‍സ് മൂവ്മെന്റും (ഹമാസും) നാലു ദിവസം വെടിനിര്‍ത്താന്‍ ധാരണയായി. മാനുഷിക വെടിനിര്‍ത്തലിന്റെ ആരംഭ സമയം 24 മണിക്കൂറിനുള്ളില്‍ പ്രഖ്യാപിക്കുമെന്നും വിപുലീകരണത്തിന് വിധേയമായി നാല് ദിവസത്തേക്ക് തുടരുമെന്നും വിദേശകാര്യ മന്ത്രാലയം പ്രസ്താവനയില്‍ പറഞ്ഞു. ഇസ്രായേല്‍ ജയിലുകളില്‍ തടവിലാക്കപ്പെട്ട നിരവധി പലസ്തീനിയന്‍ സ്ത്രീകളെയും കുട്ടികളെയും മോചിപ്പിക്കുന്നതിന് പകരമായി നിലവില്‍ ഗാസ മുനമ്പില്‍ ബന്ദികളാക്കിയ 50 സിവിലിയന്‍ സ്ത്രീകളെയും കുട്ടികളെയും മോചിപ്പിക്കുന്നതും കരാറില്‍ ഉള്‍പ്പെടുന്നു, ഇത് കരാര്‍ നടപ്പിലാക്കുന്നതിന്റെ പിന്നീടുള്ള ഘട്ടങ്ങളില്‍ മോചിപ്പിക്കപ്പെടുന്നവരുടെ എണ്ണം വര്‍ദ്ധിപ്പിക്കും.
