ഡോ. അമാനുല്ല വടക്കാങ്ങര

ദോഹ. അല്‍ ഉല കരാറിനെ തുടര്‍ന്ന് ഖത്തറിന് വ്യോമ പാത തുറന്നുകൊടുക്കാനുളള സൗദി അറേബ്യയുടേും സഖ്യ രാജ്യങ്ങളുടേയും തീരുമാനം സ്വാഗതം ചെയ്ത് ഇന്റര്‍നാഷണല്‍ എയര്‍ ട്രാന്‍സ്‌പോര്‍ട്ട് അസോസിയേഷന്‍ ( അയാട്ട). സൗദി അറേബ്യയും യു. എ. ഇ. യുമാണ ് ഇതിനകം വ്യോമ പാത തുറന്നത്. ബഹറൈനും ഈജിപ്തും അടുത്ത ദിവസങ്ങളില്‍ തന്നെ തുറക്കുമെന്നാണ് പ്രതീക്ഷിക്കുന്നത്.

മേഖലയിലെ വ്യോമഗതാഗതത്തിനും ബിസിനസിനും ഏറെ ഗുണകരമായ നീക്കമാണിതെന്ന് അയാട്ട വിലയിരുത്തി. സമയവും യാത്രാ ചിലവും ലാഭിക്കുവാന്‍ സഹായകമാകുന്നതോടൊപ്പം ഏറെ പ്രതിസന്ധി നേരിടുന്ന വ്യോമ മേഖലക്ക് വലിയൊരാശ്വാസമാകും ഈ തീരുമാനമെന്ന് അയാട്ട റീജ്യണല്‍ വൈസ്പ്രസിഡണ്ട് മുഹമ്മദ് അല്‍ ബക്രി അഭിപ്രായപ്പെട്ടു.