പഞ്ചനക്ഷത്ര കോവിഡ് 19 എയര്‍ലൈന്‍ സേഫ്റ്റി റേറ്റിംഗ് നേടുന്ന പ്രഥമ അന്താരാഷ്ട്ര വിമാന കമ്പനിയായി ഖത്തര്‍ എയര്‍വേയ്‌സ്

ഡോ. അമാനുല്ല വടക്കാങ്ങരJanuary 18, 2021

1,900 4,175 Less than a minute

ഡോ. അമാനുല്ല വടക്കാങ്ങര

ദോഹ: പഞ്ചനക്ഷത്ര കോവിഡ് 19 എയര്‍ലൈന്‍ സേഫ്റ്റി റേറ്റിംഗ് നേടുന്ന പ്രഥമ അന്താരാഷ്ട്ര വിമാന കമ്പനിയായി ഖത്തര്‍ എയര്‍വേയ്‌സ് . അന്താരാഷ്ട്ര എയര്‍ ട്രാന്‍സ്‌പോര്‍ട്ട് റേറ്റിംഗ് ഓര്‍ഗനൈസേഷനായ സ്‌കൈട്രാക്‌സാണ് ഖത്തര്‍ എയര്‍വേയ്‌സിനെ തെരഞ്ഞെടുത്തത്.

2020 ഡിസംബറില്‍ സ്‌കൈട്രാക്‌സ് ടീം നടത്തിയ വിശദമായ ഓഡിറ്റിനെ തുടര്‍ന്നാണ് ഈ പ്രഖ്യാപനം, വിമാനത്തിന്റെ കര്‍ശനമായ കോവിഡ് 19 ശുചിത്വവും സുരക്ഷാ മാനദണ്ഡങ്ങളും നടപടിക്രമങ്ങളും ഫ്‌ളൈറ്റ് ചെക്ക് ഇന്‍ മുതല്‍ ഓണ്‍ ബോര്‍ഡ് വിമാനം വരെ എത്രത്തോളം ഫലപ്രദമായും സ്ഥിരതയോടെയും പാലിക്കുന്നുവെന്ന് വിലയിരുത്തിയ ശേഷമാണ് തെരഞ്ഞെടുപ്പ് നടത്തിയത്. . നടപടിക്രമങ്ങളുടെ കാര്യക്ഷമതാ പരിശോധന, യാത്രക്കാരുടെ യാത്രയുടെ എല്ലാ ഘട്ടങ്ങളിലും ശുചിത്വവും സുരക്ഷാ നിലവാരവും സംബന്ധിച്ച വിഷ്വല്‍ നിരീക്ഷണം, കോണ്‍ടാക്റ്റ് പ്രതലങ്ങളുടെ മലിനീകരണ സാധ്യത അളക്കുന്നതിന് ഓണ്‍-ബോര്‍ഡ് അഡെനോസിന്‍ ട്രൈഫോസ്‌ഫേറ്റ് (എടിപി) സാമ്പിള്‍ ടെസ്റ്റുകള്‍ എന്നിവ ഇതില്‍ ഉള്‍പ്പെടുന്നു.

ഖത്തര്‍ എയര്‍വേയ്സിന്റെ ഹോം ഹബായ ഹമദ് ഇന്റര്‍നാഷണല്‍ എയര്‍പോര്‍ട്ടിന് ഈയിടെ മിഡില്‍ ഈസ്റ്റിലെയും ഏഷ്യയിലെയും മികച്ച കോവിഡ് സുരക്ഷ എയര്‍പോര്‍ട്ടിനുള്ള സ്‌കൈട്രാക്‌സ് പുരസ്‌കാരം ലഭിച്ചിരുന്നു.

ഡോ. അമാനുല്ല വടക്കാങ്ങരJanuary 18, 2021

1,900 4,175 Less than a minute