ആസ്പയര്‍ പാര്‍ക്കിലെ ഇരിപ്പിടങ്ങളും കളിസ്ഥലങ്ങളും ദേശീയ കായിക ദിനമായ ചൊവ്വാഴ്ച അടച്ചിടും
ഡോ. അമാനുല്ല വടക്കാങ്ങര :
ദോഹ: ആസ്പയര്‍ പാര്‍ക്കിലെ ഇരിപ്പിടങ്ങളും കളിസ്ഥലങ്ങളും ദേശീയ കായിക ദിനമായ ചൊവ്വാഴ്ച അടച്ചിടും. രാജ്യത്ത് കോവിഡ് 19 ന്റെ പൊതുജനാരോഗ്യ സൂചകങ്ങളെ അടിസ്ഥാനമാക്കിയാണിത്. ഫെബ്രുവരി 9 ചൊവ്വാഴ്ച പൊതു അവധിയായതിനാല്‍ ധാരാളമാളുകള്‍ ആസ്പയര്‍ പാര്‍ക്കില്‍ ഒത്തുകൂടാന്‍ സാധ്യതയുള്ളത് പരിഗണിച്ചാണ് പാര്‍ക്കിലെ ഇരിപ്പിടങ്ങളും കളിസ്ഥലങ്ങളും അടയ്ക്കാന്‍ ആസ്പയര്‍ സോണ്‍ തീരുമാനിച്ചത്.
പാര്‍ക്ക് തുറക്കും. വ്യക്തിഗതവും സാമൂഹിക ദൂരവും സുരക്ഷയും ഉറപ്പുവരുത്തുന്ന കായിക പ്രവര്‍ത്തനങ്ങള്‍ക്ക് വേദി ആതിഥേയത്വം വഹിക്കുമെന്ന് ആസ്പയര്‍ ട്വീറ്റ് ചെയ്തു.
കുടുംബങ്ങള്‍ക്ക് വ്യക്തിപരമായ കായിക ഇനങ്ങളില്‍ പങ്കെടുക്കാം. എപ്പോഴും മാസ്‌ക് ധരിക്കുകയും സാമൂഹിക അകലം പാലിക്കുകയും ചെയ്താല്‍ പരമാവധി നാലു പേരുളള ഗ്രൂപ്പില്‍ കായിക വിനോദങ്ങളില്‍ പങ്കെടുക്കാം
