കേരള ഫോക് ലോര്‍ അക്കാദമി അവാര്‍ഡ് ഷൈജു ധമനിക്ക്
ഡോ. അമാനുല്ല വടക്കാങ്ങര :
ദോഹ. നാടന്‍ പാട്ട് മേഖലയിലെ മികച്ച പ്രവര്‍ത്തനത്തിന് കേരള സര്‍ക്കാറിന്റെ ഫോക് ലോര്‍ അക്കാദമി ഏര്‍പ്പെടുത്തിയ അവാര്‍ഡ് ഖത്തറിലെ ഭവന്‍സ് പബ്ലിക് സ്‌കൂളിലെ ആക്ടിവിറ്റി കോര്‍ഡിനേറ്ററും സീനിയര്‍ മലയാളം ടീച്ചറുമായ ഷൈജു ധമനിക്ക്. കഴിഞ്ഞ 20 വര്‍ഷത്തോളമായി നാടന്‍ പാട്ട് രംഗത്ത് പ്രവര്‍ത്തിക്കുന്ന ഷൈജു ആലപ്പുഴ ജില്ലയിലെ കായംകുളം സ്വദേശിയാണ്.
കേരള ഫോക് ലോര്‍ അക്കാദമിയുടെ ചരിത്രത്തില്‍ ഇതാദ്യമായാണ് പ്രവാസ ലോകത്തെ പ്രവര്‍ത്തനങ്ങള്‍ അവാര്‍ഡിന് പരിഗണിക്കുന്നത്. കഴിഞ്ഞ 9 വര്‍ഷത്തോളമായി ഖത്തറില്‍ അധ്യാപകനായ ഷൈജു കനല്‍ നാടന്‍ പാട്ട് സംഘത്തിന്റെ ശില്‍പിയും സജീവ പ്രവര്‍ത്തകനുമാണ്.
ചെറുതും വലുതുമായ നിരവധി പരിപാടികളാണ് കനല്‍ നാടന്‍ പാട്ട് സംഘം ഖത്തറില്‍ അവതരിപ്പിച്ചിട്ടുള്ളത്.
ഭവന്‍സ് പബ്ലിക് സ്‌കൂള്‍ അധ്യാപികയായ മിനി ഷൈജുവാണ് ഭാര്യ. മക്കള്‍: ഷെഹ്‌സാദ് ഷൈജു, സൈദ്ധവ് ഷൈജു എന്നിവര്‍ മക്കളാണ്