കോവിഡ് വാക്സിനെടുത്താലും പ്രതിരോധ നടപടികള്‍ തുടരുക
ഡോ. അമാനുല്ല വടക്കാങ്ങര
ദോഹ. കോവിഡ് വാക്സിന്‍ രണ്ട് ഡോസുകളും സ്വീകരിച്ച് രണ്ടാഴ്ച കഴിയുന്നതോടെ ശരീരത്തിന് പ്രതിരോധശേഷി ലഭിക്കുമെന്നും കൊറോണയെ തടയുവാന്‍ 95 ശതമാനം ഫലപ്രദമാണെന്നുമാണ് ഫൈസര്‍ / ബയോടെക്, മോഡേണ വാക്സിനുകള്‍ എന്നിവയിലെ വിപുലമായ ക്ലിനിക്കല്‍ ട്രയലുകള്‍ കാണിക്കുന്നത്. എങ്കിലും കോവിഡ് വാക്സിനെടുത്താലും പ്രതിരോധ നടപടികള്‍ തുടരണമെന്ന് ഹമദ് മെഡിക്കല്‍ കോര്‍പ്പറേഷനിലെ കമ്മ്യൂണിക്കബിള്‍ ഡിസീസ് സെന്റര്‍ മെഡിക്കല്‍ ഡയറക്ടര്‍ ഡോ. മുന അല്‍ മസ്ലമാനി ട്വിറ്ററില്‍ കുറിച്ചു.
