ഫിഫ 2022 ലോകകപ്പില്‍ ഖത്തര്‍ ടീമിനെ പിന്തുണയ്ക്കുന്നതിനായി ഖത്തര്‍ ഒളിമ്പിക് കമ്മറ്റി കാമ്പയിന്‍
അമാനുല്ല വടക്കാങ്ങര
ദോഹ: ഫിഫ 2022 ലോകകപ്പില്‍ കന്നിയങ്കത്തിനിറങ്ങുന്ന ഖത്തര്‍ ടീമിനെ പിന്തുണയ്ക്കുന്നതിനായി ഖത്തര്‍ ഒളിമ്പിക് കമ്മിറ്റി ഖത്തര്‍ ഫുട്ബോള് അസോസിയേഷന്റെ സഹകരണത്തോടെ പ്രചാരണം ആരംഭിച്ചു.
ഫിഫ ലോകകപ്പ് ഖത്തര്‍ 2022 അരങ്ങേറ്റത്തിന്റെ ബില്‍ഡ്-അപ്പില്‍ ടീം ഖത്തറിനെ പിന്തുണയ്ക്കാന്‍ മുഴുവന്‍ രാജ്യത്തെയും ഒരുമിച്ച് കൊണ്ടുവരിക എന്നതാണ് കാമ്പെയ്ന്റെ ലക്ഷ്യം.
പ്രചാരണ വേളയില്‍, ഒളിമ്പിക് സ്വര്‍ണ്ണ മെഡല്‍ ജേതാവ് ഫാരെസ് ഇബ്രാഹിം (വെയിറ്റ് ലിഫ്റ്റിംഗ്), അബ്ദുള്‍റഹ്‌മാന്‍ ഹസന്‍ (അത് ലറ്റിക്സ്), മറിയം അല്‍ ബോയിന്‍ (ഇക്വസ്ട്രിയന്‍), ഹയ ഡിയാബ് (ഫെന്‍സിംഗ്), ഹയാത് അലി (ബാസ്‌ക്കറ്റ്‌ബോള്‍), സലേഹ് അല്‍ അത്ബ (ഷൂട്ടിംഗ്)എന്നിവരുള്‍പ്പെടെ മറ്റ് കായിക ഇനങ്ങളിലെ ഖത്തര്‍ ടീം താരങ്ങളെ ഉള്‍ക്കൊള്ളുന്ന നിരവധി പ്രൊമോഷണല്‍ വീഡിയോകള്‍ ഖത്തര്‍ ഒളിമ്പിക് കമ്മറ്റി അതിന്റെ സോഷ്യല്‍ മീഡിയ പ്ലാറ്റ്ഫോമുകളില്‍ പോസ്റ്റ് ചെയ്യും. ഫിഫ ലോകകപ്പില്‍ ഖത്തറിനെ പിന്തുണയ്ക്കാന്‍ പ്രാദേശിക ഫുട്ബോള് ആരാധകരെ ക്ഷണിക്കുന്ന വിപുലമായ കാമ്പയിനാണ് ആസൂത്രണം ചെയ്തിരിക്കുന്നത്.
തങ്ങളുടെ കരിയറില്‍ ആദ്യമായി ഫിഫ ലോകകപ്പില്‍ പങ്കെടുക്കുന്ന ധാരാളം ടീം ഖത്തര്‍ കളിക്കാരെ തയ്യാറാക്കാന്‍ സഹായിച്ച ആസ്പയര്‍ അക്കാദമിയിലെ വിദ്യാര്‍ത്ഥികളെയും കാമ്പെയ്ന്‍ പ്രദര്‍ശിപ്പിക്കും.
ക്യുഒസി മീഡിയ ടീം ടൂര്‍ണമെന്റിനിടെ ടീം ഖത്തര്‍ മത്സരങ്ങള്‍ കവര്‍ ചെയ്യുകയും ലോകകപ്പ് സ്റ്റേഡിയങ്ങളിലെ ആവേശകരമായ അന്തരീക്ഷവുമായി സംവദിക്കുകയും ചെയ്യും. ടീം ഖത്തറിനെ പിന്തുണയ്ക്കുന്നതിനുള്ള ക്യുഎഫ്എ പ്രൊമോഷണല്‍ കാമ്പെയ്നിന്റെ പ്രവര്‍ത്തനങ്ങളും ക്യുഒസി കവര്‍ ചെയ്യും.
ഖത്തറിന്റെ ദേശീയ ടീമുകളെ അവരുടെ അന്താരാഷ്ട്ര ടൂര്‍ണമെന്റുകളില്‍ പിന്തുണയ്ക്കുന്നതിനും ഫിഫലോകകപ്പിലെ ചരിത്രപരമായ പ്രകടനത്തില്‍ ഖത്തര്‍ ദേശീയ ടീമിനെ സന്തോഷിപ്പിക്കാന്‍ സമൂഹത്തിന്റെ വിവിധ മേഖലകളെ ക്ഷണിക്കുന്നതിനുമുള്ള ഝഛഇ യുടെ പ്രതിബദ്ധതയുടെ വെളിച്ചത്തിലാണ് ഈ കാമ്പയിനെന്ന് അധികൃതര്‍ വിശദീകരിച്ചു.
ഫിഫ ലോകകപ്പ് ഖത്തര്‍ 2022 ന്റെ ഉദ്ഘാടന മത്സരത്തില്‍ ആതിഥേയരായ ഖത്തര്‍ നവംബര്‍ 20 ന് ഇക്വഡോറിനെതിരെ കളിക്കും. ഖത്തര്‍ നവംബര്‍ 25 ന് സെനഗലിനെയും നവംബര്‍ 29 ന് നെതര്‍ലാന്‍ഡിനെയുമാണ് ഖത്തര്‍ നേരിടുക.
