Uncategorized
ഇന്ത്യന്‍ കള്‍ച്ചര്‍ സെന്റര്‍ യൂത്ത് വിംഗ് മെഡിക്കല്‍ ക്യാമ്പ് സംഘടിപ്പിച്ചു
ദോഹ. ഇന്ത്യന്‍ കള്‍ച്ചര്‍ സെന്റര്‍ യൂത്ത് വിംഗ് ഏഷ്യന്‍ മെഡിക്കല്‍ സെന്ററുമായി സഹകരിച്ച് സൗജന്യ മെഡിക്കല്‍ ക്യാമ്പ് സംഘടിപ്പിച്ചു. വക്രയിലുള്ള ഏഷ്യന്‍ മെഡിക്കല്‍ സെന്ററില്‍ രാവിലെ 7 മുതല്‍ 11.30 വരെ ആയിരുന്നു പ്രവാസി ഇന്ത്യക്കാര്‍ക്കു വേണ്ടിയുള്ള പരിശോധന ക്യാമ്പ് നടന്നത്.വിവിധ പരിശോധനകളും തുടര്‍ ചികത്സകളും നിര്‍ദേശിച്ച ക്യാമ്പില്‍ 300 ല്‍ പരം ആളുകള്‍ പങ്കെടുത്തു.
ക്യാമ്പ് ഇന്ത്യന്‍ കള്‍ച്ചറല്‍ സെന്റര്‍ പ്രസിഡന്റ് എ പി മണികണ്ഠന്‍ ഉല്‍ഘടനം ചെയ്തു# വൈസ് പ്രസിഡന്റ് സുബ്രമണിയം ഹെബ്ബഗലു, ജനറല്‍ സെക്രട്ടറി മോഹന്‍ കുമാര്‍, മുന്‍ പ്രസിഡന്റ് പി എന്‍.ബാബുരാജന്‍,യൂത്ത് വിങ് ചെയര്‍മാന്‍ എഡ്വിന്‍ എന്നിവര്‍ നേതൃത്വം നല്‍കി. വെല്‍ഫെയര്‍ കണ്‍വീനര്‍ ബ്രമ്മാ സ്വാഗതവും ജനറല്‍ കണ്‍വീനര്‍ ദിശാരി നന്ദിയും പറഞ്ഞു.
