വിജയമന്ത്രങ്ങള്‍ പ്രമുഖര്‍ക്ക് സമ്മാനിച്ചു
ദോഹ. ഡോ. അമാനുല്ല വടക്കാങ്ങരയുടെ ഏറ്റവും പുതിയ പുസ്തകമായ വിജയമന്ത്രങ്ങള്‍ ജൈത്ര യാത്ര തുടരുന്നു. സമൂഹത്തിന്റെ വിവിധ തലങ്ങളിലുള്ള വ്യക്തികളും കുടുംബങ്ങളും വിജയമന്ത്രങ്ങള്‍ ഏറ്റെടുക്കുവാന്‍ തുടങ്ങിയതോടെ ആഴ്ചയില്‍ രണ്ട് ദിവസമുണ്ടായിരുന്ന മലയാളം പോഡ്കാസ്റ്റ് ഈ ആഴ്ച മുതല്‍ മൂന്ന്് ദിവസങ്ങളാക്കിയതായി ബന്ധപ്പെട്ടവര്‍ അറിയിച്ചു. ശനി, തിങ്കള്‍, ബുധന്‍ ദിവസങ്ങളിലാണ് പോഡ് കാസ്റ്റ്. കൂടാതെ എല്ലാ ദിവസവും രാവിലെ റേഡിയോ മലയാളത്തിന്റെ പ്രഭാത പരിപാടിയിലും വിജയമന്ത്രങ്ങള്‍ കേള്‍ക്കാം.
പ്രവാസി ഭാരതീയ സമ്മാന്‍ ജേതാവും ഇന്ത്യന്‍ സ്പോര്‍ട്സ് സെന്റര്‍ പ്രസിഡണ്ടുമായ ഡോ. മോഹന്‍ തോമസ്, ഇന്‍കാസ് നേതാവ് ജോണ്‍ ഗില്‍ബര്‍ട്ട്, കേരള ഫോല്‍ക്ലോര്‍ അക്കാദമി പുരസ്‌കാരം നേടിയ ഷൈജു ധമനി എന്നിവര്‍ക്കാണ് ഗ്രന്ഥകാരന്‍ വിജയമന്ത്രങ്ങളുടെ കോപ്പി സമ്മാനിച്ചത്.
വിജയമന്ത്രങ്ങളുടെ കോപ്പി ആവശ്യമുള്ളവര്‍ ന്യൂ ഇന്ത്യന്‍ സൂപ്പര്‍മാര്‍ക്കറ്റ്, റീട്ടൈല്‍ മാര്‍ട്ട്, ദാന ഹൈപ്പര്‍മാര്‍ക്കറ്റ്, മീഡിയപ്ളസ് 44324853 എന്ന നമ്പറില്‍ മീഡിയപ്ളസ് ഓഫീസുമായോ ബന്ധപ്പെടാവുന്നതാണ്