ഡോ. അമാനുല്ല വടക്കാങ്ങര

ദോഹ. ഖത്തറിന്റെ സ്വപ്‌ന പദ്ധതി സബാഹ്് അല്‍ അഹ് മദ് കോറിഡോറിലെ ഏറ്റവും ഉയരം കൂടിയ പാലം എന്ന് വിശേഷിപ്പിക്കുന്ന ഉമ്മു ലഖബ ഇന്റര്‍ചേഞ്ച് ( ലാന്റ്മാര്‍ക്് മാള്‍) പാലം നാളെ രാജ്യത്തിന് സമര്‍പ്പിക്കുമെന്ന് പബ്‌ളിക് വര്‍ക്‌സ് അതോരിറ്റി അറിയിച്ചു.
ഖത്തര്‍ നിവാസികള്‍ക്കുള്ള പുതുവല്‍സരസമ്മാനമാകും ഇത്. ജനസാന്ദ്രതയുള്ള ഏരിയയില്‍ തുറക്കുന്ന പാലം ഗതാഗതക്കുരുക്ക് അഴിക്കാനും യാത്രാസമയം പരമാവധി കുറക്കാനും സഹായകമാകും.

30 അടി ഉയരത്തില്‍ ഒരു കിലോമീറ്ററോളം നീളമുള്ള ഈ പാലം ശമാലില്‍ നിന്നും മര്‍ഖിയ ഭാഗത്തേക്കുള്ള യാത്ര സുഗമമാക്കും.

ഉമ്മു ലഖബ ഇന്റര്‍ചേഞ്ച് നാലു തട്ടുകളിലായി 9 പാലങ്ങളുള്ള വലിയ ഇന്റര്‍ചേഞ്ചാണ്. പതിനൊന്ന് കിലോമീറ്ററോളം നീളമുളള ഈ ഇന്റര്‍ചേഞ്ചിലൂടെ മണിക്കൂറില്‍ ഇരുപതിനായിരം വാഹനങ്ങള്‍ക്ക് കടന്നുപോകാം.