ഡോ. അമാനുല്ല വടക്കാങ്ങര

ദോഹ. ക്രിസ്തുമസ്, ന്യൂ ഇയര്‍ ആഘോഷങ്ങളും വിന്റര്‍ അവധിയും കഴിഞ്ഞ് സ്‌ക്കൂളുകള്‍ ഇന്നുമുതല്‍ പ്രവര്‍ത്തനമാരംഭിക്കും. 50 ശതമാനം ശേഷിയില്‍ ബ്ളന്‍ഡഡ് ലേണിംഗ് തുടരുമെന്ന് വിദ്യാഭ്യാസ മന്ത്രാലയം വ്യക്തമാക്കി. ഗവണ്‍മെന്റ് സ്‌ക്കൂളുകള്‍ക്ക് ജനുവരി 3 ന് രണ്ടാം ടേം ആരംഭിക്കുകയാണ്. എന്നാല്‍ ഇന്ത്യന്‍ സ്‌ക്കൂളുകള്‍ക്ക് ഇത് മൂന്നാം ടേമാണ്.

എല്ലാ സ്‌ക്കൂളുകളിലും ഹാജര്‍ നിര്‍ബന്ധമാകും. ഓണ്‍ ലൈന്‍ ഓഫ് ലൈന്‍ പ്രതിവാര ഷെഡ്യൂളുകള്‍ അനുസരിച്ച് ക്ളാസുകള്‍ നടക്കും. പ്രൈവറ്റ് സ്‌ക്കൂളുകള്‍ ജനുവരി 10 ന് മുമ്പായി ഹാജര്‍ ഉറപ്പുവരുത്തണം.

രാജ്യത്തെ കോവിഡ് സ്ഥിതിഗതികള്‍ വിശദമായി വിശകലനം ചെയ്ത് പൊതുജനാരോഗ്യ മന്ത്രാലയവുമായി കൂടിയാലോചിച്ചാണ് ഈ തീരുമാനത്തിലെത്തിയകെന്ന് വിദ്യാഭ്യാസ മന്ത്രാലയം വ്യക്തമാക്കി.