രാജ്യത്തെ സുസ്ഥിര വികസനത്തിന്റെ ആണിക്കല്ലാണ് തൊഴിലാളികള്‍
അമാനുല്ല വടക്കാങ്ങര
ദോഹ: രാജ്യത്തെ സുസ്ഥിര വികസനത്തിന്റെ ആണിക്കല്ലാണ് തൊഴിലാളികളെന്നും ഖത്തരി സമൂഹത്തിലെ സുപ്രധാന സാമൂഹികവും സാമ്പത്തികവുമായ ഘടകങ്ങളിലൊന്നായാണ് തൊഴിലാളികളെ പരിഗണിക്കുന്നതെന്നും ദേശീയ മനുഷ്യാവകാശ സമിതി സെക്രട്ടറി ജനറല്‍ സുല്‍ത്താന്‍ ബിന്‍ ഹസന്‍ അല്‍ ജമാലി അഭിപ്രായപ്പെട്ടു.
ചൂട് പിരിമുറുക്കത്തിന്റെ അപകടങ്ങള്‍ തടയുന്നതിനായി ഓഗസ്റ്റ് 1 ന് ആരംഭിച്ചതും സെപ്റ്റംബര്‍ 1 വരെ തുടരുന്നതുമായ കാമ്പെയ്നിന്റെ ഭാഗമായി നേപ്പാള്‍ കമ്മ്യൂണിറ്റിയില്‍ നിന്നുള്ള തൊഴിലാളികള്‍ക്കായി ദേശീയ മനുഷ്യാവകാശ സമിതി സംഘടിപ്പിച്ച സെമിനാറിന്റെ ഉദ്ഘാടന വേളയിലാണ് അദ്ദേഹം ഇക്കാര്യം പറഞ്ഞത്.
തൊഴിലാളികളുടെ ന്യായമായ അവകാശങ്ങള്‍ സംരക്ഷിക്കുന്നതിനും പ്രോത്സാഹിപ്പിക്കുന്നതിനും ഖത്തര്‍ വലിയ പ്രാധാന്യമാണ് നല്‍കുന്നതെന്ന് അദ്ദേഹം പറഞ്ഞു.
