അടുത്ത വര്‍ഷത്തോടെ ഖത്തറിലെ ഹോട്ടല്‍ മുറികളുടെ എണ്ണം നാല്‍പതിനായിരം കവിയും
ദോഹ: രാജ്യത്തെ ഹോട്ടല്‍ മുറികളുടെ ആകെ സപ്ലൈ നിലവില്‍ മുപ്പത്തെട്ടായിരം കവിഞ്ഞതായും നടന്നുകൊണ്ടിരിക്കുന്ന പല പുതിയ പ്രോജക്ടുകളും പൂര്‍ത്തിയാകുന്നതോടെ ഖത്തറിലെ ഹോട്ടല്‍ മുറികളുടെ എണ്ണം നാല്‍പതിനായിരം കവിയും പ്രതീക്ഷിക്കുന്നതായി റിപ്പോര്‍ട്ട്.
2022ലെ ഫിഫ ലോകകപ്പ് ഖത്തറിന് ആതിഥേയത്വം വഹിക്കാന്‍ ഖത്തറിന്റെ ഹോട്ടല്‍ താമസസൗകര്യം ഒരുക്കേണ്ടതിന്റെ ആവശ്യകതയാണ് കഴിഞ്ഞ 18 മാസത്തിനിടെ മുറികളുടെ മൊത്തം വിതരണം 25 ശതമാനത്തിലധികം വര്‍ധിച്ചതെന്ന് കുഷ്മാന്‍ ആന്‍ഡ് വേക്ക്ഫീല്‍ഡിന്റെ ത്രൈമാസിക റിയല്‍ എസ്റ്റേറ്റ് റിപ്പോര്‍ട്ട് പറയുന്നു.
ആന്‍ഡാസ് ദോഹ, ഫോര്‍ സീസണ്‍സ് റിസോര്‍ട്ട്, പേള്‍ ഐലന്‍ഡിലെ താമസസ്ഥലങ്ങള്‍, എന്‍എച്ച് കളക്ഷന്‍ ഒയാസിസ് ദോഹ ഹോട്ടല്‍, റിക്‌സോസ് ക്വിറ്റൈഫാന്‍ നോര്‍ത്ത്, റോസ്വുഡ് ദോഹ, വാള്‍ഡോര്‍ഫ് അസ്റ്റോറിയ വെസ്റ്റ് ബേ എന്നിവയുള്‍പ്പെടെ വരും മാസങ്ങളില്‍ തുറക്കുമെന്ന് പ്രതീക്ഷിക്കുന്ന വിവിധ പുതിയ ഹോട്ടലുകള്‍ റിപ്പോര്‍ട്ട് ചെയ്യുന്നു.
