ഖത്തറില്‍ വിപ്ലവകരമായ വാഹന അഗ്‌നിശമന സംവിധാനം വികസിപ്പിച്ചെടുത്ത് ഇന്ത്യന്‍ സ്‌കൂള്‍ വിദ്യാര്‍ത്ഥികള്‍
ദോഹ. ഖത്തറില്‍ വിപ്ലവകരമായ വാഹന അഗ്‌നിശമന സംവിധാനം വികസിപ്പിച്ചെടുത്ത് ഇന്ത്യന്‍ സ്‌ക്കൂള്‍ വിദ്യാര്‍ത്ഥികള്‍. ബിര്‍ള പബ്ലിക് സ്‌കൂളിലെ ആറാം ക്ലാസ് വിദ്യാര്‍ത്ഥികളായ അയാന്‍ ഷിഹാബും ആരോണ്‍ ജോയിയുമാണ് വാഹനങ്ങള്‍ക്കായി ഒരു വിപ്ലവകരമായ അഗ്‌നിശമന സംവിധാനം രൂപകല്‍പ്പന ചെയ്തത്. സയന്‍സ് ഇന്ത്യ ഫോറം ഖത്തര്‍ സംഘടിപ്പിച്ച സയന്‍സ് എക്‌സിബിഷനില്‍ ഇത് അവതരിപ്പിച്ചു. ഇന്നൊവേറ്റീവ് ഫയര്‍ സപ്രഷന്‍ സിസ്റ്റം ഫോര്‍ വെഹിക്കിള്‍സ് , വൈദ്യുത ഷോര്‍ട്ട് സര്‍ക്യൂട്ടുകള്‍, എന്‍ജിന്‍ ഓവര്‍ഹീറ്റ്, കൂട്ടിയിടികള്‍, ഇന്ധന ചോര്‍ച്ച അല്ലെങ്കില്‍ മറ്റ് ഏതെങ്കിലും പാരിസ്ഥിതിക കാരണങ്ങള്‍ എന്നിവ മൂലമുണ്ടാകുന്ന വാഹന തീപിടുത്തങ്ങളുടെ വ്യാപകമായ പ്രശ്‌നം പരിഹരിക്കാന്‍ ഈ സംവിധാനം ലക്ഷ്യമിടുന്നു. അഗ്‌നി പ്രതിരോധ ദ്രാവകം നിറച്ച ചെറിയ വാട്ടര്‍ സ്പ്രിംഗളറുകള്‍ സംയോജിപ്പിക്കുന്ന ഈ സംവിധാനം, വാഹന സുരക്ഷാ സാങ്കേതികവിദ്യകളുടെ മേഖലയില്‍ ഒരു പ്രധാന പുരോഗതിയാണ്.
തീപിടുത്തങ്ങള്‍ വേഗത്തില്‍ അണയ്ക്കുക, മരണങ്ങളുടെയും, പരിക്കുകളുടേയും നിരക്ക് കുറയ്ക്കുക , വാഹനങ്ങള്‍ക്കും അവയുടെ ഘടകങ്ങള്‍ക്കും കുറഞ്ഞ രീതിയില്‍ നാശനഷ്ടങ്ങള്‍ വരുത്തുക എന്നിങ്ങനെ തുട്ങ്ങി അഗ്‌നി പ്രതിരോധ ദ്രാവകത്തിന്റെ പരിസ്ഥിതി സൗഹൃദവും വിഷരഹിതവുമായ സ്വഭാവം യാത്രക്കാരുടെയും വിശാലമായ പരിസ്ഥിതിയുടെയും സുരക്ഷയും ആരോഗ്യവും ഇത് ഉറപ്പാക്കുന്നു
ഈ സംവിധാനം തുടക്കത്തില്‍ വാഹനങ്ങള്‍ക്കായി രൂപകല്‍പ്പന ചെയ്തിട്ടുള്ളതാണെങ്കിലും വിമാനങ്ങളും ഹെലികോപ്റ്ററുകളും ഉള്‍പ്പെടെയുള്ള വൈദ്യുത തീപിടുത്തങ്ങള്‍ക്ക് സാധ്യതയുള്ള മറ്റ് ക്രമീകരണങ്ങളില്‍ അതിന്റെ വൈവിധ്യമാര്‍ന്ന രൂപകല്‍പ്പന പൊരുത്തപ്പെടുത്തലിനും സഹായകമാകും.
