Breaking News
ഫാര്‍ണ്‍ബറോ ഇന്റര്‍നാഷണല്‍ എയര്‍ഷോയിലെ ശ്രദ്ധേയ സാന്നിധ്യമായി ഖത്തര്‍ എയര്‍വേയ്സ്
അമാനുല്ല വടക്കാങ്ങര
ദോഹ. ഫാര്‍ണ്‍ബറോ ഇന്റര്‍നാഷണല്‍ എയര്‍ഷോയിലെ ശ്രദ്ധേയ സാന്നിധ്യമായി ഖത്തര്‍ എയര്‍വേയ്സ് . അഞ്ച് ദിവസത്തെ പരിപാടിയില്‍, ഖത്തര്‍ എയര്‍വേയ്സ് അതിന്റെ അത്യാധുനിക ബോയിംഗ് 787-9 ഡ്രീംലൈനറാണ് പ്രധാനമായും പദര്‍ശിപ്പിക്കുന്നത്.
പ്രത്യേക ഫിഫ വേള്‍ഡ് കപ്പ് 2022 ലിവറിനൊപ്പം ഒരു ബോയിംഗ് 777-300ER വിമാനവും ഫാര്‍ണ്‍ബറോ എയര്‍ ഷോയില്‍ പ്രദര്‍ശിപ്പിക്കുന്നുണ്ട്. 2021-ല്‍ സ്‌കൈട്രാക്സ് ലോകത്തിലെ ഏറ്റവും മികച്ച ബിസിനസ് ക്ലാസ് സീറ്റായി തിരഞ്ഞെടുക്കപ്പെട്ട, വ്യവസായ രംഗത്തെ പ്രമുഖരായ ഖ്യൂ സ്യൂട്ട് ബിസിനസ് ക്ലാസ് സീറ്റാണ് ഈ വിമാനത്തിന്റെ സവിശേഷത.
ഖത്തര്‍ എയര്‍വേയ്സ് ഗ്രൂപ്പിന്റെ പ്രൈവറ്റ് ജെറ്റ് ചാര്‍ട്ടര്‍ ഡിവിഷനായ ഖത്തര്‍ എക്സിക്യൂട്ടീവ് അതിന്റെ ആഡംബര ഗള്‍ഫ്സ്ട്രീം G650ER പ്രദര്‍ശിപ്പിക്കുന്നു.
