അമാനുല്ല വടക്കാങ്ങര

ദോഹ. ഖത്തര്‍ ടൂറിസത്തിന്റെ 2022-2023 ക്രൂയിസ് സീസണിന്റെ രണ്ടാം യാത്രയുടെ ഭാഗമായി കാര്‍ണിവല്‍ കോര്‍പ്പറേഷന്റെയും പിഎല്‍സിയുടെയും അനുബന്ധ സ്ഥാപനമായ കോസ്റ്റ ക്രൂയിസിന്റെ ഉടമസ്ഥതയിലുള്ള ഇറ്റാലിയന്‍ ക്രൂയിസ് കപ്പലായ ‘കോസ്റ്റ ടോസ്‌കാന 3,798 വിനോദസഞ്ചാരികളുമായി ദോഹ തുറമുഖത്തെത്തി.

337 മീറ്റര്‍ നീളവും 2 മീറ്റര്‍ വീതിയും 8.6 മീറ്റര്‍ ഡ്രാഫ്റ്റും ഉള്ള കപ്പലാണിത്. 6,500 യാത്രക്കാരെ വരെ ഉള്‍ക്കൊള്ളാവുന്ന കപ്പലില്‍ സ്വന്തമായി വാട്ടര്‍ പാര്‍ക്ക്, 13 നീന്തല്‍ക്കുളങ്ങള്‍, ഹോട്ട് ടബ്ബുകള്‍, 13 റെസ്റ്റോറന്റുകള്‍, 19 വിനോദ ഹാളുകള്‍ എന്നിവയുണ്ട്.