ഖത്തര്‍ മ്യൂസിയംസ് എക്സ്പോ 2023 ന് ഫുഡ് ആന്റ് ബിവറേജ് ഔട്ട്‌ലെറ്റ് ഓപ്പറേറ്റര്‍മാരെ തേടുന്നു
അമാനുല്ല വടക്കാങ്ങര
ദോഹ: 2023 ഒക്ടോബര്‍ 2 മുതല്‍ 2024 മാര്‍ച്ച് 28 വരെ ഖത്തറില്‍ നടക്കാനിരിക്കുന്ന അന്താരാഷ്ട്ര ഹോര്‍ട്ടികള്‍ച്ചറല്‍ എക്സിബിഷന്റെ (എക്സ്പോ 2023) തയ്യാറെടുപ്പിനായി ഖത്തര്‍ മ്യൂസിയംസ് ഫുഡ് ആന്‍ഡ് ബിവറേജ് ഓപ്പറേറ്റര്‍മാരെ തേടുന്നു.ഫയര്‍ സ്റ്റേഷന് സമീപമുള്ള എക്സ്പോ ബില്‍ഡിംഗിലെ ഫുഡ് ആന്റ് ബിവറേജ് ഔട്ട്‌ലെറ്റ് മാനേജ് ചെയ്യുന്നതിനാണ് ഓപറേറ്റര്‍മാരെ തേടുന്നത്.
വിശദമായ ബിസിനസ് പ്ലാന്‍, ഫുഡ്/സര്‍വീസ് കണ്‍സെപ്റ്റ് അവതരണം, ഇന്റീരിയര്‍, ടെറസ് ഡിസൈന്‍ അവതരണം എന്നിവയും അവരുടെ പശ്ചാത്തലവും യോഗ്യതാപത്രങ്ങളും ഉള്‍പ്പെടുന്ന സമഗ്രമായ ആശയവും ബിസിനസ് നിര്‍ദ്ദേശങ്ങളും ഫുഡ് ആന്റ് ബിവറേജ് ഔട്ട്‌ലെറ്റ് ഓപ്പറേറ്റര്‍മാര്‍ സമര്‍പ്പിക്കണം. ഭക്ഷണ സങ്കല്‍പ്പത്തെക്കുറിച്ചുള്ള വിശദമായ അവതരണം അന്താരാഷ്ട്ര നിലവാരം പുലര്‍ത്തുന്ന നിര്‍ദ്ദിഷ്ട പാചകരീതിയെ തിരിച്ചറിയണം.
ഔട്ട്ലെറ്റിനായുള്ള ഡിസൈനും ഫിറ്റ്-ഔട്ടും പൂര്‍ണ്ണമായ എം.ഇ.പി വര്‍ക്കുകള്‍, അഗ്‌നിശമന സംവിധാനം,സിസിടിവി സ്പീക്കറുകള്‍, , പ്ലംബിംഗ്, ജലവിതരണം & മലിനജലം), ഇന്റീരിയര്‍ ഡിസൈനും ഇന്‍സ്റ്റാളേഷനും, ടെറസ് ഡിസൈനും ഇന്‍സ്റ്റാളേഷനും, അടുക്കള രൂപകല്‍പ്പനയും ഇന്‍സ്റ്റാളേഷനും തുടങ്ങി എല്ലാം വ്യക്തമാക്കണം.
നിര്‍ദ്ദേശത്തില്‍ അവതരിപ്പിച്ചിരിക്കുന്ന ആശയവും ബ്രാന്‍ഡിംഗ്, മെനു, ഇന്റീരിയര്‍, ടെറസ് ഡിസൈനുകള്‍ എന്നിവ അനുസരിച്ച് പങ്കെടുക്കുന്ന ബിഡ്ഡിംഗ് ഓപ്പറേറ്റര്‍മാരെ വിലയിരുത്തും.
വിശദമായ ആവശ്യകതകള്‍ക്ക്, താല്‍പ്പര്യമുള്ള ഓപ്പറേറ്റര്‍മാര്‍ക്ക് അവരുടെ അന്വേഷണങ്ങള്‍ [email protected] എന്ന ഇ-മെയില്‍ വഴിയോ +974 31060040 എന്ന നമ്പറില്‍ വിളിച്ചോ അയയ്ക്കാവുന്നതാണ്.
2023 ജനുവരി 7 വരെ അപേക്ഷകള്‍ ലഭ്യമാണ്.
