ഖത്തറിലെ ഹോട്ടല്‍ താമസ നിരക്ക് തൃപ്തികരം
അമാനുല്ല വടക്കാങ്ങര
ദോഹ: ഖത്തറിലെ ഹോട്ടല്‍ താമസ നിരക്ക് തൃപ്തികരമാണെന്നും മിക്ക ഹോട്ടലുകളും ഏകദേശം 65 മുതല്‍ 70 ശതമാനം വരെ താമസ നിരക്ക് റിപ്പോര്‍ട്ട് ചെയ്തതായും ഖത്തര്‍ ടൂറിസം ചെയര്‍മാനും ഖത്തര്‍ എയര്‍വേയ്സ് ഗ്രൂപ്പ് ചീഫ് എക്സിക്യൂട്ടീവ് ഓഫീസറുമായ അക്ബര്‍ അല്‍ ബേക്കര്‍ വ്യക്തമാക്കി.
2022ലെ ഫിഫ ലോകകപ്പ് ഖത്തറിന് ആതിഥേയത്വം വഹിച്ചതിന് ശേഷം ഹോസ്പിറ്റാലിറ്റി മേഖലയില്‍ പ്രതീക്ഷിച്ച മന്ദതയുണ്ടെങ്കിലും ഖത്തര്‍ മാനദണ്ഡങ്ങള്‍ നിശ്ചയിച്ചതിനേക്കാള്‍ മികച്ച പ്രകടനം കാഴ്ചവെച്ചതായി കേന്ദ്ര വിസ അപേക്ഷാ പോര്‍ട്ടലായി ഹയ്യ പ്ലാറ്റ്ഫോം ആരംഭിക്കുന്നത് പ്രഖ്യാപിക്കാന്‍ മാധ്യമങ്ങളെ അഭിസംബോധന ചെയ്യവെ അല്‍ ബേക്കര്‍ പറഞ്ഞു.
ടൂര്‍ണമെന്റിന് തൊട്ടുപിന്നാലെ (ഫിഫ ലോകകപ്പ് ഖത്തര്‍ 2022), ഫിഫ നടന്ന മറ്റെല്ലാ രാജ്യങ്ങളിലെയും പോലെ, കഴിഞ്ഞ മാസങ്ങളില്‍ ഹോട്ടല്‍ താമസ നിരക്കില്‍ നേരിയ കുറവുണ്ട്. എങ്കിലും മോശമല്ലാത്ത രീതിയിലാണ് കാര്യങ്ങള്‍ മുന്നോട്ടുപോകുന്നത്.
ണ്,’ അല്‍ ബേക്കര്‍ വെളിപ്പെടുത്തി.
ഫിഫ 2022 ലോകകപ്പിനോടനുബന്ധിച്ച് ഹോസ്പിറ്റാലിറ്റി വ്യവസായത്തില്‍ വലിയ നിക്ഷേപം നടത്തുകയും പുതുതായി നിരവധി അടിസ്ഥാന സൗകര്യങ്ങള്‍ നിര്‍മ്മിക്കുകയും ചെയ്തതിനാല്‍ വരും മാസങ്ങളില്‍ ഒക്യുപ്പന്‍സി നിരക്ക് ഉയരുമെന്ന് ഉറപ്പാക്കേണ്ടത് ഞങ്ങളുടെ ജോലിയാണ്,” അദ്ദേഹം കൂട്ടിച്ചേര്‍ത്തു.
അടിസ്ഥാന സൗകര്യ മേഖലയില്‍ ഖത്തറിന് ധാരാളം നിക്ഷേപങ്ങളുണ്ട്. തീം പാര്‍ക്കുകള്‍, സൂക്കുകള്‍, പ്രാകൃത ബീച്ചുകള്‍, മണ്‍കൂനകള്‍ എന്നിവ ഖത്തറിലേക്ക് ജനങ്ങളെ ആകര്‍ഷിക്കും.ലോകത്തിലെ ഏറ്റവും സുരക്ഷിതമായ രാജ്യമായ ഖത്തര്‍ മെഡിക്കല്‍ ടൂറിസം പ്രോത്സാഹിപ്പിക്കാനും വിദ്യാഭ്യാസ ടൂറിസത്തെ ശക്തമായി പ്രോത്സാഹിപ്പിക്കാനുമാണ് ലക്ഷ്യമിടുന്നതെന്നും അല്‍ ബേക്കര്‍ കൂട്ടിച്ചേര്‍ത്തു.
