Breaking NewsUncategorized
എക്സ്പോ 2023 ദോഹയുടെ വളണ്ടിയര്‍ രജിസ്ട്രേഷന് രണ്ടാഴ്ചയ്ക്കകം ആരംഭിക്കും
അമാനുല്ല വടക്കാങ്ങര
ദോഹ: മധ്യ പൗരസ്ത്യ ദേശത്ത് ആദ്യമായി നടക്കുന്ന എക്സ്പോ 2023 ദോഹയുടെ വളണ്ടിയര്‍ രജിസ്ട്രേഷന് രണ്ടാഴ്ചയ്ക്കകം ആരംഭിക്കുമെന്ന് സംഘാടക സമിതി ജനറല്‍ സെക്രട്ടറി മുഹമ്മദ് മുഹമ്മദ് അലി അല്‍ ഖൂരി പറഞ്ഞു.
ഒക്ടോബറില്‍ ആരംഭിച്ച് 2024 മാര്‍ച്ച് വരെ നീണ്ടുനില്‍ക്കുന്ന 6 മാസം നീണ്ടുനില്‍ക്കുന്ന ഇവന്റിനായി 3,000 മുതല്‍ 4,000 വരെ സന്നദ്ധപ്രവര്‍ത്തകരെ റിക്രൂട്ട് ചെയ്യാനാണ് ലക്ഷ്യമിടുന്നത്.
വരുന്ന രണ്ടാഴ്ചയ്ക്കുള്ളില്‍ രജിസ്ട്രേഷന് നടപടികള്‍ ആരംഭിക്കുമെന്നും തുടര്‍ന്ന് അപേക്ഷകള്‍ സൂക്ഷ്മമായി പരിശോധിക്കുമെന്നും അല്‍ ഖൂരി ഊന്നിപ്പറഞ്ഞു.
ഇവന്റിന്റെ ഔദ്യോഗിക വെബ്സൈറ്റിലൂടെയും സോഷ്യല്‍ മീഡിയ പ്ലാറ്റ്ഫോമുകളിലൂടെയും അപേക്ഷാ നടപടിക്രമം സംബന്ധിച്ച ഔദ്യോഗിക പ്രഖ്യാപനം നടത്തും.
