ഫിഫ 2022 ഗ്രൂപ്പ് തലമല്സരങ്ങള് ആദ്യ ഘട്ടം പിന്നിടുമ്പോള്
റഷാദ് മുബാറക്
ദോഹ. ഫിഫ 2022 ലോകകപ്പ് ഖത്തറിന്റെ ഗ്രൂപ്പ് തലമല്സരങ്ങള് ആദ്യ ഘട്ടം പിന്നിടുമ്പോള് പല വമ്പന്മാര്ക്കും കാലിടറുന്നതാണ് കണ്ടത്. അര്ജന്റീന സൗദിയോട് തോറ്റതും ജര്മനി ജപ്പാനുമായി പരാജയപ്പെട്ടതും ഈ ഘട്ടത്തിലെ ഏറ്റവും വലിയ തോല്വികളായിരുന്നു. ശക്തരായ ബെല്ജിയവും പോര്ച്ചുഗലും കഷ്ടിച്ചാണ് രക്ഷപ്പെട്ടത്. എന്നാല് ഇംഗ്ളണ്ടും സ്്പെയിനും അനായാസം ജയിച്ചുകയറിയതും ആദ്യ റൗണ്ടിലെ അനുഭവമായിരുന്നു.
ഗ്രൂപ്പ് തലമല്സരങ്ങള് ആദ്യ ഘട്ടം പിന്നിടുമ്പോള് ഗ്രൂപ്പ് എ യില് നെതര്ലാന്റ്സും ഇക്വഡോറും 3 പോയന്റുകള് വീതം നേടി മുന്നിലാണ് . സെനഗലും ഖത്തറുമാണ് മൂന്നും നാലും സ്ഥാനത്തുള്ളത്.
ഗ്രൂപ്പ് ബി യില് 3 പോയന്റുമായി ഇംഗ്ളണ്ട് ഒന്നാം സ്ഥാനത്തും ഓരോ പോയന്റ് വീതം നേടിയ വെയില്സും യു.എസ്.എയും രണ്ടാം സ്ഥാനത്തും ഇറാന് അവസാന സ്ഥാനത്തുമാണ് .
ഗ്രൂപ്പ് സി യില് 3 പോയന്റുമായി സൗദി അറേബ്യയാണ് ഒന്നാം സ്ഥനത്ത്. പോളണ്ടും മെക്സിക്കോയും ഓരോ പോയന്റുകള് വീതം നേടി രണ്ടാം സ്ഥാനത്തും പോയന്റുകളൊന്നുമില്ലാതെ അര്ജന്റീന അവസാന സ്ഥാനത്തുമാണ്.
ഗ്രൂപ്പ് ഡി യില് 3 പോയന്റുമായി ഫ്രാന്സ് ഒന്നാം സ്ഥാനത്തും തുനീഷ്യയും ഡെന്മാര്ക്കും രണ്ടാം സ്ഥാനത്തുമാണുള്ളത്. ഓസ്ട്രേലിയയാണ് ഈ ഗ്രൂപ്പില് അവസാന സ്ഥാനത്തുള്ളത്.
ഗ്രൂപ്പ് ഇ യില് 3 പോയന്റുകളുമായി സ്പെയിനും ജപ്പാനുമാണ് ഒന്നാം സ്ഥാനത്ത്. ജര്മനി രണ്ടാം സ്ഥാനത്തും കോസ്റ്ററിക്ക അവസാന സ്ഥാനത്തുമാണ് .
ഗ്രൂപ്പ് എഫില് 3 പോയന്റുമായി ബെല്ജിയം ഒന്നാം സ്ഥാനത്തും ക്രൊയേഷ്യയും മൊറോക്കോയും ഓരോ പോയന്റുകള് വീതം നേടി രണ്ടാം സ്ഥാനത്തും കനഡ അവസാന സ്ഥാനത്തുമാണ് .
ഗ്രൂപ്പ് ജി യില് 3 പോയന്റുമായി ബ്രസീല് ഒന്നാം സ്ഥാനത്തും സ്വിറ്റ്സര്ലാണ്ട് രണ്ടാം സ്ഥാനത്തും മൂന്നാം സ്ഥാനത്ത് കാമറൂണും നാലാം സ്ഥാനത്ത് സെര്ബിയയുമാണുള്ളത്.
ഗ്രൂപ്പ് എച്ചില് 3 പോയന്റുമായി പോര്ച്ചുഗലാണ് മുന്നില്. സൗത്ത് കൊറിയ , ഇറുഗ്വായ് എന്നിവര് ഓരോ പോയന്റ് വീതം നേടി രണ്ടാം സ്ഥാനത്തും ഘാന അവസാന സ്ഥാനത്തുമാണുള്ളത്.
