മിയ പാര്ക്കില് സീ സൈഡ് ഫുഡ് കിയോസ്ക് ഓപറേറ്റര്മാര്ക്ക് അവസരം
അമാനുല്ല വടക്കാങ്ങര
ദോഹ. വിവിധ കമ്മ്യൂണിറ്റികളുടെ സംഗമ വേദിയായി മിയ പാര്ക്കില് വാരാന്ത്യ ബസാര് പുനരാരംഭിക്കുന്നതിന്റെ ഭാഗമായി സീ സൈഡ് ഫുഡ് കിയോസ്ക് ഓപറേറ്റര്മാര്ക്ക് അവസരം. യോഗ്യരായ ഓപറേറ്റര്മാരില് നിന്നും അധികൃതര് അപേക്ഷ ക്ഷണിച്ചു.
മിയ പാര്ക്കിലെ കിയോസ്കിന്റെ സ്ഥാനം കുടുംബ-സൗഹൃദ പ്രവര്ത്തനങ്ങള്, ആഴത്തിലുള്ള പൊതു കലാ ഇടങ്ങള്, കടല് കാഴ്ച എന്നിവയാല് നിറഞ്ഞിരിക്കുന്നു. ദ്രുത സര്വീസ് ടേക്ക് എവേയും ലളിതമായ ഔട്ട്ഡോര് ഡൈനിംഗ് ഓപ്ഷനുകളും ഉള്ള ഒരു കടല്ത്തീര കിയോസ്ക് കഫേ ആശയം നിര്ദ്ദേശിക്കാന് താല്പ്പര്യമുള്ള ഓപ്പറേറ്റര്മാരെയാണ് അധികൃതര് നോക്കുന്നത്.
കടല്ത്തീര ഫുഡ് കിയോസ്കിനായി പങ്കെടുക്കുന്ന ബിഡ്ഡിംഗ് ഓപ്പറേറ്റര്മാരെ മെനു, വിലകള്, സര്ഗ്ഗാത്മകത എന്നിവയില് മാത്രം പരിമിതപ്പെടുത്താതെ, ആശയത്തിന്റെ കരുത്ത് അനുസരിച്ചാണ് വിലയിരുത്തുക. വിജയിക്കുന്ന ബിഡ് ഡിസൈനും സജ്ജീകരണവും, ഉല്പ്പന്ന നിലവാരം, സോഷ്യല് മീഡിയ സാന്നിധ്യം, എഫ് ആന്ഡ് ബി ഔട്ട്ലെറ്റുകള് പ്രവര്ത്തിപ്പിക്കുന്നതിലെ അനുഭവം എന്നിവയെ അടിസ്ഥാനമാക്കിയുള്ളതായിരിക്കും. കഴിഞ്ഞ വര്ഷത്തെ ഓഡിറ്റ് ചെയ്ത കണക്കുകളും പരിഗണിക്കും.
താല്പ്പര്യമുള്ള ഓപ്പറേറ്റര്മാര്ക്ക് [email protected] എന്ന ഇ-മെയില് വഴിയോ +974 31060040 എന്ന നമ്പറിലോ ബന്ധപ്പെടാം.
