Local News
കോര്‍ണിഷില്‍ നിന്ന് റാസ് അബു അബൗദ് എക്സ്പ്രസ് വേയിലേക്കുള്ള തുരങ്കം വാരാന്ത്യത്തില്‍ താല്‍ക്കാലികമായി അടയ്ക്കും
ദോഹ: കോര്‍ണിഷില്‍ നിന്ന് റാസ് അബു അബൗദ് എക്സ്പ്രസ് വേയിലേക്കുള്ള തുരങ്കം ഈ വാരാന്ത്യത്തില്‍ താല്‍ക്കാലികമായി അടയ്ക്കുമെന്ന് പൊതുമരാമത്ത് അതോറിറ്റി (അഷ്ഗാല്‍) അറിയിച്ചു.
തുരങ്കം കൂടാതെ, ഷാര്‍ഖ് ഇന്റര്‍സെക്ഷന്‍ മുതല്‍ ഹമദ് എയര്‍പോര്‍ട്ട് വരെയുള്ള ഒരു ദിശയിലുള്ള മൂന്ന് പാതകള്‍ 2024 നവംബര്‍ 1 വെള്ളിയാഴ്ച പുലര്‍ച്ചെ 2 മണി മുതല്‍ 2024 നവംബര്‍ 3 ഞായറാഴ്ച പുലര്‍ച്ചെ 5 മണി വരെ അറ്റകുറ്റപ്പണികള്‍ക്കായി അടക്കുമെന്നും അഷ്ഗാല്‍ അറിയിച്ചു. തങ്ങളുടെ ലക്ഷ്യസ്ഥാനങ്ങളിലെത്താന്‍ റോഡ് ഉപയോക്താക്കള്‍ക്ക് അടുത്തുള്ള ഇതര റൂട്ടുകള്‍ ഉപയോഗിക്കാം.
