കോട്ടയം ജില്ലാ ആശുപത്രിക്ക് അവശ്യ മെഡിക്കല് ഉപകരണങ്ങള് സംഭാവന ചെയ്ത് കൊഡാക്ക
ദോഹ. കോട്ടയം ജില്ലാ ആര്ട്സ് ആന്ഡ് കള്ച്ചറല് അസോസിയേഷന്, ഖത്തര് (കൊഡാക്ക), കോട്ടയം ജില്ലാ ആശുപത്രിക്ക് സുപ്രധാന മെഡിക്കല് ഉപകരണങ്ങള് സംഭാവന ചെയ്ത് സമൂഹ ക്ഷേമത്തോടുള്ള പ്രതിബദ്ധത പ്രകടമാക്കി. വീല്ചെയറുകള്, എയര് ബെഡുകള്, ഓക്സിമീറ്ററുകള്, ബിപി ഉപകരണം, ജനറേറ്റര്, രോഗി പരിചരണം വര്ദ്ധിപ്പിക്കുന്നതിനുള്ള മറ്റ് അവശ്യവസ്തുക്കള് എന്നിവയാണ് സംഭാവന ചെയ്തത്.
കൈമാറ്റ ചടങ്ങ് തിരുവഞ്ചൂര് രാധാകൃഷ്ണന് (എംഎല്എ) ഉദ്ഘാടനം ചെയ്തു, മുനിസിപ്പല് ചെയര്പേഴ്സണ് ബിന്സി സെബാസ്റ്റ്യനൊപ്പം കോട്ടയം ജില്ലാ ആശുപത്രി മെഡിക്കല് സൂപ്രണ്ട് ഡോ. സുഷമ പി.കെ.ക്ക് ഉപകരണങ്ങള് ഔപചാരികമായി സമ്മാനിച്ചു.
കൊഡാക്ക പ്രസിഡന്റ് സിയാദ് അധ്യക്ഷത വഹിച്ച പരിപാടിയില് സ്ഥാപക ജനറല് സെക്രട്ടറി ഫിലിപ്പോസ് സ്വാഗതവും റഷീദ് അഹമ്മദ് നന്ദിയും പറഞ്ഞു.
കൊഡാക്ക സ്ഥാപക പ്രസിഡന്റ് ബാബു, റെസിഡന്റ് കോര്ഡിനേറ്റര് കരിയക്കുട്ടി, മുന് ഭാരവാഹികളായ എം.എസ്. അബ്ദുള് റസാഖ് (മുന് ജനറല് സെക്രട്ടറി), ഷിബു മാര്ക്കോസ് (മുന് ട്രഷറര്), ആശുപത്രി ഉദ്യോഗസ്ഥര്, കമ്മ്യൂണിറ്റി നേതാക്കള്, കൊഡാക്ക അംഗങ്ങള് എന്നിവര് പങ്കെടുത്തു.