മിസഈയിദ് പവര് പ്ലാന്റ്, ഖത്തര് എനര്ജി റാസ് ലഫാന് ഫെസിലിറ്റി എന്നിവ ലക്ഷ്യമിട്ട് ഇറാന് ഡ്രോണുകള്: പ്രതിരോധ മന്ത്രാലയം
ദോഹ: മസഈയിദ് പവര് പ്ലാന്റ്, ഖത്തര് എനര്ജി റാസ് ലഫാന് ഫെസിലിറ്റി എന്നിവ ലക്ഷ്യമിട്ട് ഇറാന് ഡ്രോണുകള്: പ്രതിരോധ മന്ത്രാലയം. ഇറാനില് നിന്ന് വിക്ഷേപിച്ച രണ്ട് ഡ്രോണുകളാണ് ഖത്തറിനെ ആക്രമിച്ചതെന്ന് ഇന്ന് ( മാര്ച്ച് 2 തിങ്കളാഴ്ച) പ്രതിരോധ മന്ത്രാലയം ഇറക്കിയ പ്രസ്താവന
എക്സില് പോസ്റ്റ് ചെയ്ത പ്രസ്താവനയില്, ‘ഒരു ഡ്രോണ് മെസായിദിലെ ഒരു പവര് പ്ലാന്റിന്റെ വാട്ടര് ടാങ്കിനെയും മറ്റൊന്ന് ഖത്തര് എനര്ജിയുടെ ഉടമസ്ഥതയിലുള്ള റാസ് ലഫാന് ഇന്ഡസ്ട്രിയല് സിറ്റിയിലെ എനര്ജി ഫെസിലിറ്റിയെയും ലക്ഷ്യമിട്ട് ആക്രമണമുണ്ടായെങ്കിലും ആളപായമൊന്നും റിപ്പോര്ട്ട് ചെയ്തിട്ടില്ല’ എന്ന് മന്ത്രാലയം പറഞ്ഞു.
‘ആക്രമണത്തിന്റെ ഫലമായുണ്ടാകുന്ന എല്ലാ നാശനഷ്ടങ്ങളും ബന്ധപ്പെട്ട അധികാരികള് വിലയിരുത്തും, ഔദ്യോഗിക പ്രസ്താവന പിന്നീട് പുറപ്പെടുവിക്കും,’ മന്ത്രാലയം കൂട്ടിച്ചേര്ത്തു.
പൗരന്മാരോടും താമസക്കാരോടും സന്ദര്ശകരോടും ശാന്തത പാലിക്കാനും സുരക്ഷാ അധികാരികള് പുറപ്പെടുവിക്കുന്ന ഔദ്യോഗിക നിര്ദ്ദേശങ്ങള് പാലിക്കാനും കിംവദന്തികള് ഒഴിവാക്കാനും ഔദ്യോഗിക മാര്ഗങ്ങളിലൂടെ പുറത്തുവിടുന്ന വിവരങ്ങളെ മാത്രം ആശ്രയിക്കാനും മന്ത്രാലയം അഭ്യര്ത്ഥിക്കുന്നു.
