കാലിത്തീറ്റ ഉല്‍പാദനത്തിനായി 3 ഫാക്ടറികള്‍ സ്ഥാപിക്കും
ഡോ. അമാനുല്ല വടക്കാങ്ങര
ദോഹ. ഖത്തറില്‍ കാലിത്തീറ്റ ഉല്‍പാദനത്തിനായി 3 ഫാക്ടറികള്‍ സ്ഥാപിക്കുന്നത് സംബന്ധിച്ച് ദോഹ എക്‌സിബിഷന്‍ ആന്റ് കോണ്‍ഫറന്‍സില്‍ നടക്കുന്ന എട്ടാമത് അഗ്രിടെകില്‍ വെച്ച് ധാരണപത്രത്തില്‍വെച്ച് ഒപ്പുവെക്കുമെന്ന് പരിസ്ഥിതി മുനിസിപ്പല്‍ മന്ത്രാലയം.
ആടുകളെ വളര്‍ത്തുന്നതിന് 9 ഫാമുകളും സ്ഥാപിക്കുന്നത് സംബന്ധിച്ച കരാറുകളും ധാരണാപത്രങ്ങളും ഒപ്പുവെക്കുമെന്നും അധികൃതര്‍ വ്യക്തമാക്കി . സ്വയം പര്യാപ്തതയിലേക്കുള്ള രാജ്യത്തിന്റെ മുന്നേറ്റത്തിന്റെ ഭാഗമാണിത്.
പേപ്പര്‍’ ഉല്‍പാദനത്തിനായി ഈ മേഖലയില്‍ പ്രവര്‍ത്തിക്കുന്ന ഒരു പ്രധാന ജാപ്പനീസ് കമ്പനിയുമായി സഹകരിച്ച് 3,000 ചതുരശ്ര മീറ്റര്‍ വിസ്തീര്‍ണ്ണമുള്ള ഒരു പ്ലാന്റ് ഉദ്ഘാടനം ചെയ്യുന്നത് സംബന്ധിച്ചും അഗ്രിടെക് പ്രദര്‍ശനത്തില്‍ ധാരണയാകും
