കോണ്‍കാഫ് ഗോള്‍ഡ് കപ്പ് 2021 ഔദ്യോഗിക എയര്‍ലൈന്‍ കമ്പനിയായി ഖത്തര്‍ എയര്വേയ്സ്
ഡോ. അമാനുല്ല വടക്കാങ്ങര
ദോഹ: ജൂലൈ 2 മുതല്‍ ആഗസ്റ്റ് 1 വരെ നടക്കുന്ന 2021 കോണ്‍കാഫ് ഗോള്‍ഡ് കപ്പിന്റെ ഔദ്യോഗിക എയര്‍ലൈന്‍ കമ്പനിയായി ഖത്തര്‍ എയര്വേയ്സ് കരാറിലൊപ്പിട്ടു. കോണ്‍ഫെഡറേഷന്‍ ഓഫ് നോര്‍ത്ത്, സെന്‍ട്രല്‍ അമേരിക്ക, കരീബിയന്‍ ഫുട്ബോള് അസോസിയേഷന്‍ (കോണ്‍കാഫ്) എന്നിവയുമായുള്ള ബഹുവര്‍ഷ കരാറിനുശേഷം ഖത്തര്‍ എയര്വേയ്സ് ആഗോള കായിക സ്‌പോണ്‍സര്‍ഷിപ്പ് പോര്‍ട്ട്ഫോളിയോ വികസിപ്പിക്കുന്നത് തുടരുകയാണ്
മേഖലയിലെ പുരുഷന്മാരുടെ മുന്‍നിര അന്താരാഷ്ട്ര ഫുട്ബോള് ടൂര്‍ണമെന്റ് എന്ന നിലയില്‍ പ്രിലിമിനറി മല്‍സരങ്ങള്‍ ഇന്നലെ മിയാമിയില്‍ ആരംഭിച്ചു. ഗ്രൂപ്പ് ഘട്ട മത്സരങ്ങള്‍ ജൂലൈ 10 നാണ് ആരംഭിക്കുക. കലാശപ്പോരാട്ടം ആഗസ്ത് 1 ന് ലാസ് വെഗാസിലാണ് നടക്കുക. അവിടെ കോണ്‍കകാഫിന്റെ പ്രാദേശിക ചാമ്പ്യന്‍ കിരീടമണിയിക്കും. മത്സരത്തിന്റെ 16-ാമത് പതിപ്പ് എട്ട് യുഎസ് മെട്രോപൊളിറ്റന്‍ ഏരിയകളിലെ 11 സ്റ്റേഡിയങ്ങളില്‍ നടക്കും.
ലോകമെമ്പാടുമുള്ള കാല്‍പന്ത്കളിയാരാധകരെ ബന്ധിപ്പിക്കുന്നതിന് ഈ പങ്കാളിത്തം ഖത്തര്‍ എയര്‍വേയ്‌സിന് മികച്ച അവസരമാണ് നല്‍കുന്നതെന്ന് ഖത്തര്‍ എയര്വേയ്സ് ഗ്രൂപ്പ് ചീഫ് എക്സിക്യൂട്ടീവ് അക്ബര്‍ അല്‍ ബക്കര്‍ പറഞ്ഞു. ഫുട്ബോള് സംസ്‌കാരത്തിലും ജീവിതശൈലിയിലും ആഴത്തില്‍ സ്വാധീനിക്കുന്ന വടക്കന്‍, മധ്യ അമേരിക്കന്‍, കരീബിയന്‍ പ്രദേശങ്ങളില്‍ ഉടനീളം ഞങ്ങളുടെ സാന്നിധ്യം ശക്തിപ്പെടുത്താന്‍ ഞങ്ങള്‍ ആഗ്രഹിക്കുന്നു. ദശലക്ഷക്കണക്കിന് ആരാധകര്‍ വീട്ടില്‍ നിന്ന് കാണുകയും പതിനായിരക്കണക്കിന് കാണികള്‍ ഗോള്‍ഡ് കപ്പ് മത്സരങ്ങളില്‍ പങ്കെടുക്കുകയും ചെയ്യുന്നതിനാല്‍, ഈ സഖ്യം ആളുകളെ ഒരുമിച്ച് കൊണ്ടുവരാനുള്ള ഞങ്ങളുടെ ലക്ഷ്യം ഉറപ്പിക്കാന്‍ സഹായിക്കുമെന്ന് അദ്ദേഹം പറഞ്ഞു. ‘
