Breaking News
കോവിഡ് അപകടസാധ്യതയുടെ തോത് അടിസ്ഥാനമാക്കിയുള്ള രാജ്യങ്ങളുടെ ലിസ്റ്റ് പുതുക്കി ഖത്തര്‍ പൊതുജനാരോഗ്യ മന്ത്രാലയം
അമാനുല്ല വടക്കാങ്ങര
ദോഹ: ലോകത്തിന്റെ വിവിധ ഭാഗങ്ങൡലുള്ള രാജ്യങ്ങളിലെ കോവിഡ് അപകടസാധ്യതയുടെ തോത് അടിസ്ഥാനമാക്കിയുള്ള രാജ്യങ്ങളുടെ ലിസ്റ്റ് ഖത്തര്‍ പൊതുജനാരോഗ്യ മന്ത്രാലയം പുതുക്കി.
പുതുക്കിയ ലിസ്റ്റനുസരിച്ച് ഗ്രീന്‍ പട്ടികയിലെ രാജ്യങ്ങള്‍ 143 ല്‍ നിന്ന് 117 ആയി കുറഞ്ഞു.
അതേ സമയം റെഡ് ലിസ്റ്റിലെ രാജ്യങ്ങള്‍ 86 ആയി ഉയര്‍ന്നു.
അസാധാരണമായ റെഡ് ലിസ്റ്റ് രാജ്യങ്ങള്‍ ആറായി കുറഞ്ഞുവെന്നതാണ് ലിസ്റ്റിലെ പ്രധാനപ്പെട്ട മറ്റൊരു മാറ്റം. ബംഗ്ലാദേശ്, ഈജിപ്ത്, ഇന്ത്യ, നേപ്പാള്‍, പാകിസ്ഥാന്‍, ഫിലിപ്പീന്‍സ് എന്നിവയാണ് എക്‌സപ്ഷണല്‍ റെഡ്‌ലിസ്റ്റിലുള്ള 6 രാജ്യങ്ങള്‍.
ജനുവരി 30 ഞായറാഴ്ച വൈകുന്നേരം 7 മണി മുതലാണ് പുതിയ ലിസ്റ്റ് പ്രാബല്യത്തില്‍ വരിക.
