പൊതുജനാരോഗ്യ മന്ത്രാലയം മാസ് കാഷ്വാലിറ്റി മാനേജ്മെന്റ് പരിശീലനം രണ്ടാം ഘട്ടം പൂര്ത്തിയാക്കി
അമാനുല്ല വടക്കാങ്ങര
ദോഹ. പൊതുജനാരോഗ്യ മന്ത്രാലയം മാസ് കാഷ്വാലിറ്റി മാനേജ്മെന്റ് പരിശീലനം രണ്ടാം ഘട്ടം പൂര്ത്തിയാക്കി . ലോകാരോഗ്യ സംഘടനയുടെ പങ്കാളിത്തത്തോടെയാണ് ഫിഫ 2022 ലോകകപ്പിന് മുന്നോടിയായി പരിശീലനം രണ്ടാം ഘട്ടം പൂര്ത്തിയാക്കിയത്.
ഫിഫയുടെയും ഖത്തര് സുപ്രീം കമ്മിറ്റി ഫോര് ഡെലിവറി ആന്ഡ് ലെഗസിയുടെയും സഹകരണത്തോടെ, സുരക്ഷിതവും ആരോഗ്യകരവുമായ ഇവന്റ് നടത്തിപ്പുമായി ബന്ധപ്പെട്ട് മൂന്ന് വര്ഷത്തെ സ്പോര്ട് ഫോര് ഹെല്ത്ത് പങ്കാളിത്തത്തിന്റെ ഭാഗമാണ് ഈ പരിശീലനം.
2022 മാര്ച്ചില് ഹമദ് മെഡിക്കല് കോര്പ്പറേഷന് അത്യാഹിത വിഭാഗം ജീവനക്കാര്ക്ക് പരിശീലനം നല്കുകയും നിരവധി പ്രാദേശിക ആരോഗ്യ ദാതാക്കളെ പരിശീലകരായി അംഗീകരിക്കുകയും ചെയ്തുകൊണ്ടാണ് നൂതന പരിപാടിയുടെ പ്രാരംഭ ഘട്ടം ആരംഭിച്ചത്.
രണ്ടാം ഘട്ടത്തില് സര്ക്കാര്, അര്ദ്ധ സര്ക്കാര്, പ്രാഥമിക ആരോഗ്യ കേന്ദ്രങ്ങള്, സ്വകാര്യ ആശുപത്രികള് എന്നിവയില് പ്രവര്ത്തിക്കുന്ന ആരോഗ്യ പരിരക്ഷാ ദാതാക്കളെയാണ് പരിശീലിപ്പിച്ചത്.
പരിശീലനത്തില് സംവേദനാത്മക ചര്ച്ചകള്, വര്ക്ക്ഷോപ്പുകള്, വന് അപകട സംഭവങ്ങളെ അനുകരിക്കുന്ന ടേബിള്ടോപ്പ് വ്യായാമങ്ങള് എന്നിവ ഉള്പ്പെടുന്നു. കൂടാതെ, വിവിധ ഹെല്ത്ത് കെയര് സൗകര്യങ്ങള്ക്കും ടീമുകള്ക്കും അവരുടെ എമര്ജന്സി പ്ലാനുകള് അവലോകനം ചെയ്യാനുള്ള അവസരമായിരുന്നു പരിശീലനം.
സംഘടനയുടെ അത്യാധുനിക ആജീവനാന്ത പഠന കേന്ദ്രമായ ഡബ്ല്യുഎച്ച്ഒ അക്കാദമിയാണ് മാസ് കാഷ്വാലിറ്റി മാനേജ്മെന്റ് പ്രോഗ്രാം വികസിപ്പിച്ചതെന്ന് പൊതുജനാരോഗ്യ മന്ത്രാലയത്തിലെ ഹെല്ത്ത് എമര്ജന്സി ഡിപ്പാര്ട്ട്മെന്റ് ഡയറക്ടര് ഡോ. മുഹമ്മദ് അല് ഹജ്രി പറഞ്ഞു.
‘ഇത്തരം സംഭവങ്ങള് കൈകാര്യം ചെയ്ത ലോകമെമ്പാടുമുള്ള ആരോഗ്യ സംരക്ഷണ സംവിധാനങ്ങളുടെ പ്രതികരണങ്ങളില് നിന്ന് നേടിയ അനുഭവത്തെ അടിസ്ഥാനമാക്കിയുള്ള മികച്ച സമ്പ്രദായങ്ങളാണ് ഈ പ്രോഗ്രാം അവതരിപ്പിച്ചത്.
ഏകദേശം 45 ആരോഗ്യ പ്രവര്ത്തകര് ഈ പരിശീലനത്തില് പങ്കെടുത്തു. കൂടാതെ, ലോകാരോഗ്യ സംഘടനയുടെ ശുപാര്ശ പ്രകാരം ആറ് പ്രാദേശിക ആരോഗ്യ പരിരക്ഷാ ദാതാക്കളും പരിശീലനത്തിന്റെ ഭാഗമായി.
ഡബ്ല്യുഎച്ച്ഒ അക്കാദമിയിലെ അന്താരാഷ്ട്ര വിദഗ്ധര്ക്ക് പുറമെ മുന് കോഴ്സുകളില് നിന്ന് പരിശീലനം നേടിയ അംഗീകൃത പ്രാദേശിക ഇന്സ്ട്രക്ടര്മാരാണ് കോഴ്സ് നടത്തിയത്.
