Archived Articles
മൂവായിരത്തിലധികം യാത്രക്കാരുമായി മെയിന്‍ ഷിഫ് 6 എന്ന പടുകൂറ്റന്‍ ക്രൂയിസ് കപ്പല്‍ വീണ്ടും ദോഹയില്‍
അമാനുല്ല വടക്കാങ്ങര
ദോഹ: 3,319 യാത്രക്കാരും ക്രൂ അംഗങ്ങളുമായി മെയിന്‍ ഷിഫ് 6 എന്ന പടുകൂറ്റന്‍ ക്രൂയിസ് കപ്പല്‍ വീണ്ടും ദോഹയിലെത്തി. 2022-23 ക്രൂയിസ് സീസണിലെ രണ്ടാം വരവാണിത്. ജര്‍മ്മന്‍ ആസ്ഥാനമായുള്ള ക്രൂയിസ് ലൈന്‍ ടി.യു ഐ ക്രൂയിസാണ് ഈ കപ്പല്‍ ഓപറേറ്റ് ചെയ്യുന്നത്. 295 മീറ്റര്‍ നീളവും 35.8 മീറ്റര്‍ വീതിയും 8 മീറ്റര്‍ ഡ്രാഫ്റ്റുമുള്ള ഈ കപ്പല്‍ കമ്പനിയുടെ ഏറ്റവും വലിയ കപ്പലുകളിലൊന്നാണ്.
