പടുകൂറ്റന്‍ ഇറ്റാലിയന്‍ ക്രൂയിസ് കപ്പല്‍ കോസ്റ്റ ടോസ്‌കാന ദോഹ തുറമുഖത്ത്

അമാനുല്ല വടക്കാങ്ങര

ദോഹ. കോസ്റ്റ ക്രൂയിസിന്റെ കപ്പല്‍ കോസ്റ്റ ടോസ്‌കാന ഇന്നലെ ദോഹ തുറമുഖത്ത് എത്തി. ഇറ്റാലിയന്‍ ക്രൂയിസ് കപ്പല്‍ ലോകത്തിലെ ഏറ്റവും വലിയ ക്രൂയിസ് കപ്പലുകളില്‍ ഒന്നാണ്. 6,500-ലധികം യാത്രക്കാരെ ഉള്‍ക്കൊള്ളാന്‍ കഴിയുന്ന ഇതിന് 337 മീറ്റര്‍ നീളവും 42 മീറ്റര്‍ വീതിയും 8.6 മീറ്റര്‍ ഡ്രാഫ്റ്റും ഉണ്ട്.

2022/’23 ക്രൂയിസ് സീസണില്‍ 3426 വിനോദസഞ്ചാരികളും 1428 ക്രൂ അംഗങ്ങളുമായി ടോസ്‌കാന അതിന്റെ മൂന്നാമത്തെ വരവാണിത്. ഇറ്റാലിയന്‍ പതാകയ്ക്ക് കീഴില്‍ സഞ്ചരിക്കുന്ന കോസ്റ്റ ടോസ്‌കാന ഏറ്റവും നൂതനവും പാരിസ്ഥിതികമായി നൂതനവുമായ ക്രൂയിസ് കപ്പലുകളില്‍ ഒന്നാണ്. സ്വന്തമായി വാട്ടര്‍പാര്‍ക്ക്, 13 നീന്തല്‍ക്കുളങ്ങള്‍, ഹോട്ട് ടബ്ബുകള്‍, 13 റെസ്റ്റോറന്റുകള്‍, 19 വിനോദ ലോഞ്ചുകള്‍ എന്നിവ ഈ കപ്പലിന്റെ പ്രത്യേകതയാണ് .