ഖത്തര്‍ ടൂറിസത്തിന് പിന്തുണയുമായി മികച്ച ഗതാഗത ശൃംഖല

അമാനുല്ല വടക്കാങ്ങര

ദോഹ. ഖത്തറിലെ ടൂറിസം പദ്ധതികളുടെ വിജയത്തില്‍ മികച്ച ഗതാഗത ശൃംഖലയുടെ പങ്ക് സുപ്രധാനം. ഏത് ഭാഗത്തേക്കും കുറഞ്ഞ ചിലവില്‍ എത്താന്‍ സഹായകമായ മെട്രോ സംവിധാനവും പൊതുഗതാഗതവുമൊക്കെ ഖത്തറിന്റെ ഏറ്റവും മികച്ച സേവനങ്ങളാണ്.

ഒരു സമ്പദ്വ്യവസ്ഥയെ അഭിവൃദ്ധിപ്പെടുത്തുന്നതിന് തടസ്സരഹിതവും കുറഞ്ഞ സമയം ചെലവഴിക്കുന്നതുമായ ഗതാഗത മോഡ് നിര്‍ണായകമാണ്. മിക്ക വികസിത രാജ്യങ്ങളും അവരുടെ സമ്പദ്വ്യവസ്ഥ വികസിപ്പിക്കുന്നതില്‍ വിജയിച്ചതിന്റെ ഒരു പ്രധാന കാരണം സമയം ലാഭിക്കാനും ചെലവ് കുറയ്ക്കാനും ബിസിനസുകളെ സഹായിക്കുന്ന മികച്ച ഗതാഗത ശൃംഖലയാണ്.

നന്നായി പരിപാലിക്കുന്ന റോഡുകളും കൃത്യമായി ആസൂത്രണം ചെയ്ത പൊതുഗതാഗത സംവിധാനവും കാരണം ഖത്തറിലെ ലക്ഷ്യസ്ഥാനത്ത് എത്തിച്ചേരുന്നത് അനായാസമാക്കും. അതുകൊണ്ട് തന്നെ രാജ്യത്ത് ടൂറിസം സാധ്യതകള്‍ ഏറെയാണ്.