ദേശീയ ദിന അവധിയില്‍ ആരോഗ്യ കേന്ദ്രങ്ങളുടെ പ്രവര്‍ത്തന സമയം പ്രഖ്യാപിച്ച് പ്രൈമറി ഹെല്‍ത്ത് കെയര്‍ കോര്‍പറേഷന്‍
അമാനുല്ല വടക്കാങ്ങര
ദോഹ: ഖത്തറില്‍ ദേശീയ ദിനം പ്രമാണിച്ച് ഞായര്‍, തിങ്കള്‍ ദിവസങ്ങള്‍ ഗവണ്‍മെന്റ് സ്ഥാപനങ്ങള്‍ക്ക് ഔദ്യോഗിക അവധിയായതിനാല്‍ ആരോഗ്യ കേന്ദ്രങ്ങളിലെ പ്രവര്‍ത്തന ഷെഡ്യൂള്‍ പ്രൈമറി ഹെല്‍ത്ത് കെയര്‍ കോര്‍പ്പറേഷന്‍ (പിഎച്ച്‌സിസി) പ്രഖ്യാപിച്ചു.
അല്‍ വക്ര, അല്‍ മതാര്‍, അല്‍ മഷാഫ്, ഒമര്‍ ബിന്‍ അല്‍ ഖത്താബ്, വെസ്റ്റ് ബേ, അല്‍ തുമാമ, അല്‍ സദ്ദ്, റൗദത്ത് അല്‍ ഖൈല്‍, ലീബിബ്, ഉം സലാല്‍, ഗരാഫത്ത് അല്‍ റയ്യാന്‍, മദീനത്ത് ഖലീഫ, അബൂബക്കര്‍ അല്‍ സിദ്ദിഖ്, അല്‍ റയ്യാന്‍, മെസൈമീര്‍, മുഐതര്‍, അല്‍ ഖോര്‍, അല്‍ റുവൈസ്, അല്‍ ഷിഹാനിയ എന്നിവയുള്‍പ്പെടെ 31 പിഎച്ച്‌സിസി ഹെല്‍ത്ത് സെന്ററുകളില്‍ 20 എണ്ണം അവധിക്കാലത്ത് പ്രവര്‍ത്തിക്കും.
24 മണിക്കൂറും പ്രവര്‍ത്തിക്കുന്ന കോള്‍ സംവിധാനത്തോടെയാണ് അല്‍ ജുമൈലിയ ഹെല്‍ത്ത് സെന്റര്‍ പ്രവര്‍ത്തിക്കുക. ഫാമിലി മെഡിസിനും സപ്പോര്‍ട്ട് സര്‍വീസുകളും രാവിലെ 7 മുതല്‍ രാത്രി 11 വരെ തുടര്‍ച്ചയായി കേന്ദ്രങ്ങളില്‍ പ്രവര്‍ത്തിക്കും. ഡെന്റല്‍ സേവനങ്ങളും സൂചിപ്പിച്ച കേന്ദ്രങ്ങളില്‍ രാവിലെ 7 മുതല്‍ രാത്രി 10 വരെ തുടര്‍ച്ചയായി പ്രവര്‍ത്തിക്കും.
ഉം ഗുവൈലിന, സൗത്ത് അല്‍ വക്ര, അല്‍ ഗുവൈരിയ, അല്‍ കഅബാന്‍, അല്‍ ദായെന്‍, ഖത്തര്‍ യൂണിവേഴ്സിറ്റി, അല്‍ വജ്ബ, അല്‍ വാബ്, അബു നഖ്ല, ഉമ്മുല്‍ സെനീം, അല്‍ കരാന എന്നിവയാണ് ദേശീയ ദിന അവധിയില്‍ പ്രവര്‍ത്തിക്കാത്ത കേന്ദ്രങ്ങള്‍. രാവിലെയും വൈകുന്നേരവും ഷിഫ്റ്റുകളിലും രാവിലെ 7 മുതല്‍ ഉച്ചയ്ക്ക് 2 വരെയും വൈകുന്നേരം 4 മുതല്‍ രാത്രി 10 വരെ വൈകുന്നേരവും രോഗിയുടെ ഷെഡ്യൂള്‍ ചെയ്ത അപ്പോയിന്റ്‌മെന്റ് അനുസരിച്ച് പ്രത്യേക ക്ലിനിക്കുകള്‍ ലഭ്യമാകും.
ഒഫ്താല്‍മോളജി, ഡെര്‍മറ്റോളജി, ഇഎന്‍ടി ക്ലിനിക്കുകള്‍ എന്നിവയെ സംബന്ധിച്ചിടത്തോളം, അവ ലീബൈബ്, റൗദത്ത് അല്‍ ഖൈല്‍ കേന്ദ്രങ്ങളില്‍ പ്രവര്‍ത്തിക്കും. വിവാഹത്തിന് മുമ്പുള്ള മെഡിക്കല്‍ പരിശോധനാ ക്ലിനിക്കിനെ സംബന്ധിച്ചിടത്തോളം, ഇത് ലീബൈബ് കേന്ദ്രത്തില്‍ ഞായറാഴ്ച രാവിലെ ഷിഫ്റ്റിലും തിങ്കളാഴ്ച രാത്രി ഷിഫ്റ്റിലും മാത്രം പ്രവര്‍ത്തിക്കും.
അല്‍ ഷിഹാനിയ സെന്റര്‍, അബൂബക്കര്‍ അല്‍ സിദ്ദിഖ് സെന്റര്‍, മുഐതര്‍ സെന്റര്‍, അല്‍ റുവൈസ് സെന്റര്‍, അല്‍ കഅബാന്‍ സെന്റര്‍, ഉമ്മു സലാാല്‍ സെന്റര്‍, ഗരാഫത്ത് അല്‍ റയ്യാന്‍ സെന്റര്‍, റൗദത്ത് അല്‍ ഖൈല്‍ സെന്റര്‍, അല്‍ മഷാഫ്. ഹെല്‍ത്ത് സെന്റര്‍, അല്‍ സദ്ദ് സെന്റര്‍ എന്നീ ആരോഗ്യ കേന്ദ്രങ്ങള്‍ 24 മണിക്കൂറും പ്രവര്‍ത്തിക്കുന്ന അടിയന്തര പരിചരണ സേവനങ്ങള്‍ നല്‍കും:
കമ്മ്യൂണിറ്റി കോള്‍ സെന്റര്‍, 16000, ഇത് ഫോണിലൂടെ മെഡിക്കല്‍ കണ്‍സള്‍ട്ടേഷന്‍ സേവനങ്ങള്‍ നല്‍കുകയും 24 മണിക്കൂറും തുടര്‍ച്ചയായി പ്രവര്‍ത്തിക്കുകയും ചെയ്യും . മെഡിക്കേഷന്‍ ഹോം ഡെലിവറി സേവനം തിങ്കളാഴ്ച മാത്രം നിര്‍ത്തിവയ്ക്കും
