പൊങ്കല് ആഘോഷങ്ങള്ക്ക് വീണ്ടും നിറം പകര്ന്നു ഗ്രാന്ഡ് മാള് രംഗോലി മത്സരം രണ്ടാം സീസണ് വിജയകരം
ദോഹ: രാജ്യത്തെ മുന്നിര റീട്ടെയില് വ്യാപാര ശൃംഖലയായ ഗ്രാന്ഡ് മാള് ഹൈപ്പര്മാര്ക്കറ്റ് എസ്ദാന് സ്റ്റോറില് പൊങ്കല് ആഘോഷങ്ങളുടെ ഭാഗമായി രംഗോലി മത്സരത്തിന്റെ രണ്ടാം സീസണ് 2026 ജനുവരി 17-ന് വിജയകരമായി സംഘടിപ്പിച്ചു. തമിഴ് സിംഗ പെണ്കള് അസോസിയേഷനുമായി സഹകരിച്ചാണ് പരിപാടി നടത്തിയത്.
സര്ഗ്ഗാത്മകതയും കലാപരമായ മികവും നിറഞ്ഞ മത്സരത്തില് മുന്കൂട്ടി രജിസ്റ്റര് ചെയ്ത 50-ലധികം മത്സരാര്ത്ഥികള് പങ്കെടുത്തു. വ്യത്യസ്തമായ ആശയങ്ങളും മനോഹരമായ ഡിസൈനുകളും കൊണ്ട് ശ്രദ്ധേയമായ ഈ മത്സരത്തില് വിജയികളായവര്ക്ക് ക്യാഷ് വൗച്ചറുകളും ആകര്ഷകമായ സമ്മാനങ്ങളും വിതരണം ചെയ്തു.
സംസ്കാരവും പാരമ്പര്യവും ആഘോഷമാക്കിയ ഈ പരിപാടി ഉപഭോക്താക്കളുടെയും സമൂഹത്തിന്റെയും വലിയ പങ്കാളിത്തത്തോടെയാണ് നടപ്പിലാക്കപ്പെട്ടത്. പരിപാടി വിജയകരമാക്കാന് സഹകരിച്ച എല്ലാ മത്സരാര്ത്ഥികള്ക്കും പങ്കാളികള്ക്കും ഗ്രാന്ഡ് മാള് റീജിയണല് ഡയറക്ടര് അഷ്റഫ് ചിറക്കല് ഹൃദയംഗമമായ നന്ദി അറിയിച്ചു.
എല്ലാ വിഭാഗം ഉപഭോക്താക്കളുടെയും താല്പര്യങ്ങള് പരിഗണിച്ചുകൊണ്ട് ഇത്തരത്തിലുള്ള സാംസ്കാരിക പരിപാടികളും ആഘോഷങ്ങളും തുടര്ന്നും സംഘടിപ്പിക്കുമെന്ന് അദ്ദേഹം അറിയിച്ചു.