മിഡില് ഈസ്റ്റ് മേഖലയെ സംഘര്ഷത്തിലേക്ക് വലിച്ചിഴക്കപ്പെടാതിരിക്കുവാന് അന്താരാഷ്ട്ര സമൂഹം ഇടപെടണം
ദോഹ. സംഘര്ഷങ്ങളുടെ പുതിയ ചുഴലിക്കാറ്റിലേക്ക് വലിച്ചിഴക്കപ്പെടുന്ന മിഡില് ഈസ്റ്റ് മേഖലയെ പിരിമുറുക്കം ഇല്ലാതാക്കാന് അടിയന്തരമായി ഇടപെടണമെന്ന് ഖത്തര് അന്താരാഷ്ട്ര സമൂഹത്തോട് അഭ്യര്ത്ഥിച്ചു. ഗാസ മുനമ്പിലെ രക്തച്ചൊരിച്ചില് അവസാനിച്ചില്ലെങ്കില് സംഘര്ഷം പൊട്ടിപ്പുറപ്പെടുമെന്ന ഖത്തറിന്റെ ആവര്ത്തിച്ചുള്ള മുന്നറിയിപ്പുകള്ക്ക് അടിവരയിടുന്നതാണ് മേഖലയില് സംഭവിച്ചുകൊണ്ടിരിക്കുന്ന ആശങ്കാജനകമായ സംഭവവികാസങ്ങള് എന്ന് ഊന്നിപ്പറഞ്ഞുകൊണ്ട് സ്ഥിതിഗതികള് വഷളാക്കാതിരിക്കാനും പരമാവധി സംയമനം പാലിക്കാനും അത് എല്ലാ കക്ഷികളോടും അഭ്യര്ത്ഥിച്ചു. ന്യൂയോര്ക്കിലെ ഐക്യരാഷ്ട്രസഭയുടെ ആസ്ഥാനത്ത് ഫലസ്തീന് പ്രശ്നം ഉള്പ്പെടെയുള്ള മിഡില് ഈസ്റ്റിലെ സ്ഥിതിഗതികള് സംബന്ധിച്ച ത്രൈമാസ തുറന്ന സംവാദ യോഗത്തിന് മുമ്പ് ഐക്യരാഷ്ട്രസഭയിലെ ഖത്തറിന്റെ സ്ഥിരം പ്രതിനിധി ശൈഖ ആലിയ അഹമ്മദ് ബിന് സെയ്ഫ് അല്താനി നടത്തിയ പ്രസ്താവനയിലാണ് ഈ അഭിപ്രായങ്ങള് വന്നത്. ഗാസ മുനമ്പിലെ സ്ഥിതി അഭൂതപൂര്വമായ മാനുഷിക ദുരന്തത്തിന് തുല്യമാണ്, കൂട്ടശിക്ഷ, ഭക്ഷണവും അവശ്യ സേവനങ്ങളും നിഷേധിക്കല്, പട്ടിണിയെ ആയുധമാക്കി, നിര്ബന്ധിത നാടുകടത്താനുള്ള ശ്രമങ്ങള് ഉള്പ്പെടെയുള്ള എല്ലാത്തരം സിവിലിയന്മാരെയും നാഗരിക സൗകര്യങ്ങളെയും ലക്ഷ്യമിടുന്നതിനെതിരെ ഖത്തര് അപലപിക്കുന്നു. റഫ നഗരത്തില് അധിനിവേശ സേന നടത്തുന്ന ഏതൊരു സൈനിക നടപടിയും ഖത്തര് നിരാകരിക്കുന്നുവെന്നും അവര് പറഞ്ഞു
