Uncategorized
അഞ്ചാമത് ഖത്തര് ബലൂണ് ഫെസ്റ്റിവല് ഡിസംബര് 12 മുതല് 21 വരെ
ദോഹ. ഖത്താറ കള്ച്ചറല് വില്ലേജ്, സേഫ് ഫ്ലൈറ്റ് സൊല്യൂഷന്സ് എന്നിവയുടെ സഹകരണത്തോടെ വിസിറ്റ് ഖത്തര് സംഘടിപ്പിക്കുന്ന അഞ്ചാമത് ഖത്തര് ബലൂണ് ഫെസ്റ്റിവല് ഡിസംബര് 12 മുതല് 21 വരെ നടക്കും. 21 രാജ്യങ്ങളില് നിന്നുള്ള 50 ബലൂണുകളാണ് ഈ വര്ഷത്തെ ഫെസ്റ്റിവലില് ഉണ്ടാവുക.
കത്താറയിലെ തെക്കന് പാര്ക്കിംഗ് ഏരിയയില് നടക്കുന്ന പരിപാടി ഉച്ചകഴിഞ്ഞ് 3 മുതല് രാത്രി 10 വരെ 10 ദിവസത്തെ കാലയളവില് നടക്കും. അള്ജീരിയ, കാനഡ, ചൈന, അയര്ലന്ഡ്, ജപ്പാന്, കസാക്കിസ്ഥാന്, മാസിഡോണിയ, നെതര്ലാന്ഡ്സ്, റൊമാനിയ, സ്ലൊവാക്യ, സ്പെയിന്, സ്വിറ്റ്സര്ലന്ഡ്, ഹംഗറി, ജര്മ്മനി, യുഎസ്, ബെല്ജിയം, ലിത്വാനിയ, പോളണ്ട്, ഫ്രാന്സ്, യുകെ, ബ്രസീല് എന്നിവയാണ് പങ്കെടുക്കുന്ന രാജ്യങ്ങള്.
