സല്‍വ റോഡില്‍ താല്‍ക്കാലിക ഗതാഗത നിയന്ത്രണം
ഡോ. അമാനുല്ല വടക്കാങ്ങര
ദോഹ. സല്‍വ റോഡില്‍ ഖാലിദ് ബിന്‍ അഹമ്മദ് ഇന്റര്‍ചേഞ്ചിനും ഖാലിദ് ബിന്‍ മുഹമ്മദ് അല്‍ ഗാനിം ഇന്റര്‍ചേഞ്ചിനുമിടയില്‍ സല്‍വ റോഡില്‍ ബു സമ്ര ഭാഗത്തേക്ക് ഇന്ന് രാത്രി 11 മണിമുതല്‍ വെള്ളിയാഴ്ച പുലര്‍ച്ചെ 4 മണി വരെ താല്‍ക്കാലിക ഗതാഗത നിയന്ത്രണമേര്‍പ്പെടുത്തുമെന്ന് പൊതുമരാമത്ത് അതോറിറ്റി( അശ്ഗാല്‍) അറിയിച്ചു.
ജനറല്‍ ഡയറക്ടറേറ്റ് ഓഫ് ട്രാഫിക്കുമായി കോര്‍ഡിനേറ്റ് ചെയ്ത് ഈ നിയന്ത്രണം ഐടിഎസ് ഗാന്‍ട്രികളുടെ ഇന്‍സ്റ്റാളേഷന്‍ പൂര്‍ത്തിയാക്കുന്നതിന് വേണ്ടിയാണ്.
എല്ലാവരുടേയും സുരക്ഷ ഉറപ്പാക്കാന്‍ എല്ലാ റോഡ് ഉപയോക്താക്കളും ട്രാഫിക് സിഗ്‌നലുകള്‍ ഫോളോ ചെയ്യണമെന്നും വേഗത പരിധി പാലിക്കണമെന്നും അശ്ഗാല്‍ അഭ്യര്‍ത്ഥിച്ചു.
