Uncategorized
വെങ്കിടേശ് കൃഷ്ണന്റെ വിയോഗം താങ്ങാനാവാതെ സഹപ്രവര്‍ത്തകര്‍
ഡോ. അമാനുല്ല വടക്കാങ്ങര
ദോഹ : കഴിഞ്ഞ ദിവസം ദോഹയില്‍ അന്തരിച്ച എവര്‍ ബ്രൈറ്റ് ഷിപ്പിംഗ് ആന്റ് ലോജിസ്റ്റിക്‌സ് കമ്പനിയിലെ മാര്‍ക്കറ്റിംഗ് മാനേജരായിരുന്ന വെങ്കിടേശ് കൃഷ്ണന്റെ വിയോഗം താങ്ങാനാവാതെ സഹപ്രവര്‍ത്തകര്‍.
ഒരു മികച്ച ജീവനക്കാരനേയും നല്ല മനുഷ്യസ്‌നേഹിയേയുമാണ് വെങ്കിടേശിന്റെ വിയോഗത്തിലൂടെ നഷ്ടമായതെന്ന് സഹപ്രവര്‍ത്തകര്‍ അനുസ്മരിച്ചു.
ഏപ്രില്‍ 9 വെള്ളിയാഴ്ച്ചയാണ് തിരുവനന്തപുരം സ്വദേശിയായ വെങ്കിടേശ് കൃഷ്ണന്‍ അന്തരിച്ചത്. 2019 മുതല്‍ എവര്‍ ബ്രൈറ്റ് കമ്പനിയില്‍ മാര്‍ക്കറ്റിംഗ് മാനേജറായി ജോലി ചെയ്ത് വരികയായിരുന്നു. 53 വയസ്സായിരുന്നു.
കോവിഡ് ബാധിച്ച് ചികിത്സയിലായിരിക്കെ ഹൃദയാഘാതം മൂലമാണ് വെങ്കിടേശ് മരണമടഞ്ഞത്. മൃതദേഹം ദോഹയില്‍ സംസ്‌കരിച്ചു.
തമന്‍പ്രീതാണ് ഭാര്യ, ശ്രേയ മകളാണ്.