മാതൃദിനത്തില്‍ പ്രായമായ അമ്മമാര്‍ വാക്സിനെടുത്തെന്ന് ഉറപ്പുവരുത്താനാവശ്യപ്പെട്ട് പൊതുജനാരോഗ്യ മന്ത്രാലയം
ഡോ. അമാനുല്ല വടക്കാങ്ങര
ദോഹ. ഇന്ന് മാര്‍ച്ച് 21, ലോക മാതൃദിനം. മാതാക്കളോടുള്ള സ്നഹവും കടപ്പാടും പ്രകടിപ്പിക്കുന്ന ദിവസം. കൊറോണയുടെ ഭീഷണിയില്‍ കഴിയുന്ന ഈ കാലത്ത് ഓരോ അമ്മമാരും സുരക്ഷിതരാണെന്ന് ഉറപ്പുവരുത്തേണ്ടത് മക്കളുടെ ബാധ്യതയാണ്. അതിനാല്‍ മാതൃദിനത്തില്‍ പ്രായമായ അമ്മമാര്‍ വാക്സിനെടുത്തെന്ന് ഉറപ്പുവരുത്താനാവശ്യപ്പെടുന്ന പൊതുജനാരോഗ്യ മന്ത്രാലയത്തിന്റെ സോഷ്യല്‍ മീഡിയ കാമ്പയിന്‍ ഇതിനകം തന്നെ വൈറലായി കഴിഞ്ഞു.
