Uncategorized
കോവിഡ് പ്രതിരോധ പ്രവര്‍ത്തനങ്ങള്‍ക്ക് സഹായം നല്‍കി മൂടാടി പഞ്ചായത്ത് പ്രവാസി അസോസിയേഷന്‍ ഖത്തര്‍
ഡോ. അമാനുല്ല വടക്കാങ്ങര
ദോഹ. നാട്ടിലെ കോവിഡ് പ്രതിരോധ പ്രവര്‍ത്തനങ്ങള്‍ക്ക് സഹായം നല്‍കി മൂടാടി പഞ്ചായത്ത് പ്രവാസി അസോസിയേഷന്‍ ഖത്തര്‍. മൂടാടി പഞ്ചായത്ത് ഓഫീസില്‍ നടന്ന ചടങ്ങില്‍ പി.പി.ഇ കിറ്റും മാസ്‌കുകളുമാണ് മൂടാടി പഞ്ചായത്ത് പ്രവാസി അസോസിയേഷന്‍ ഖത്തര്‍ പ്രസിഡണ്ട് രാമന്‍ നായര്‍ മൂടാടി പഞ്ചായത്ത് പ്രസിഡണ്ട് ശ്രീകുമാറിന് കൈമാറിയത്.
പഞ്ചായത്തിലെ കോവിഡ് പ്രധിരോധ പ്രവര്‍ത്തനങ്ങളില്‍ തുടര്‍ന്നും മൂടാടി പഞ്ചായത്ത് പ്രവാസി അസോസിയേഷന്‍ ഖത്തറിന്റെ എല്ലാ പിന്തുണയും സഹകരണവും രാമന്‍ നായര്‍ വാഗ്ദാനം ചെയ്തു. പഞ്ചായത്ത് സെക്രട്ടറി ഗിരീഷ് കുമാര്‍. അസോസിയേഷന്‍ ട്രഷറര്‍ അഹമ്മദ് മൂടാടി, സെക്രട്ടറി ഷാജി പീവീസ്, ഭാരവാഹികളായ .സി പി ഖാലിദ്, ഗഫുര്‍ കെ വി എന്നിവര്‍ ചടങ്ങില്‍ സംബന്ധിച്ചു.
